Jinny讚老公較著緊她多點。
吳若希（Jinny）到電台接受鄭裕玲（Do姐）的節目訪問，提到已育有一女的她今胎佗B仔可以收工了，Jinny即笑言：「Plan緊老公去做結紮手術，老公問過有醫院二人同行就會平啲。」被誤會以為夫妻都去結紮，Jinny稱是老公跟朋友去。
Do姐等一眾主持與Jinny合照。
獲老公Alex陪去受訪的Jinny，起初都讚老公，指老公以前好少爺仔，未當爸前會做很不成熟的事，當爸後放下了部份貪玩的一面，會懂得照顧。不過，當宣傳今次新唱片其一中首歌曲《麻醉》時，她則爆料是跟老公的寫照，自言每次聽都好嬲但又好鍾意。
老公陪埋Jinny去電台接受Do姐訪問。
Jinny說Alex跟她開始拍拖時好多謊言，用很多大話蓋更多的大話，但因為公開認戀了不久，不能肉酸給人看，所以就如歌詞「演好一對情侶，愛到我們入睡」一樣。
Jinny在節目中爆老公拍拖時大話連篇。
Do姐問現在二人關係是否已昇華？Jinny再笑謂：「我哋依家冇乜感情！OK嘅，好嘅，佢都進步咗好多，我哋大家都互相為大家包容、忍讓、進步、改變，開心嘅，除咗夜晚臨瞓之前似同屋住多過夫妻。」
Do姐讚Jinny比以前成熟很多。
Jinny又讚老公這方面較著緊她多點，始終夫妻相處久了感情淡了，老公經常會說陪她拍拖落街行，她就想留家陪女兒。
Giselle與媽媽如餅印一樣
31歲吳若希（Jinny）於2017年與何兆鴻（Alex）結婚，並育有一女一子，Jinny亦都經常會在社交平台分享一家四口的相片，但一直將女兒Giselle（淼淼）保護得好好，幾乎沒有公開過她的正面樣。4月23日是Giselle的7歲生日，Jinnypo相為她慶生的同時，終於公開女兒相貌，與媽媽如餅印一樣！
吳若希與老公何兆鴻相當恩愛
吳若希與老公何兆鴻
經常分享一家四口的生活
相當幸福
近日Jinny在社交平台貼出慶祝女兒生日相片，她和老公一如以往左右夾擊啜囡囡面珠，並留言：「我真係唔知可以再啜到去幾多歲，今年已經啜到好似要打交咁。」激罕曝光Giselle正面，與媽咪吳若希如餅印一樣，Jinny寄語囡囡：「諗咗好耐應該同你講咩，喺你小時候，對你可能有好多期望，希望你開心，希望你快樂，希望你善良，希望你勇敢。但係漸漸地發現，我希望你做到嘅嘢，你全部都做到，有好多我唔expect你會做到嘅嘢，你都做到！睇住你慢慢進步，做媽咪嘅真係好安慰。」Jinny感歎時間過得很快，轉眼間，女兒已經七歲，「開始慢慢接觸外邊的世界，有自己嘅圈子同埋自己嘅諗法，媽媽會繼續做你嘅好朋友，隨時準備好耳仔，聽你分享你嘅生活同心情，媽媽愛你！」網民亦留言大讚：「家姐似足mama你大眼睛咁靚女」、「家姐好靚女，未來香港小姐，又遺傳媽咪咁高。」
正面樣曝光
限時動態分開Giselle的生日相
女兒與媽媽如餅印
一家四口
兩姊弟好可愛
Giselle６歲生日
5歲生日
4歲生日
3歲生日
2歲生日
1歲生日
