好戲之人相聚！
許紹雄難得跟陳玉蓮聚會，令網友聯想到兩人經典合作《神鵰俠侶》。
已移民新加坡多時嘅許紹雄（Benz），最近因要拍TVB新劇《陀槍師姐2020》返港，雖然套劇啱啱煞科，但係難得返嚟香港，Benz哥當然冇放過機會跟老友聚會吓，今次人腳就有杜燕歌和韓馬利夫婦，仲有好耐冇見嘅陳玉蓮，可能因為陳玉蓮難得出嚟，所以Benz哥都留言話：「好久沒有聚會。」
當年Benz 哥和陳玉蓮在《神鵰俠侶》分別飾演「 公孫止」和姑姑「小龍女」。
網上圖片
Benz 哥一家三口早已移民新加坡，囡囡惠菁更已大學畢業。
不過最搞笑嘅係有醒目嘅網友發現，Benz哥同陳玉蓮嘅關係，網友寫話：「公孫止......大戰姑姑」講嘅當然係經典劇集《神鵰俠侶》嘅角色啦！
