主音Van特別提醒大家一定要仔細欣賞他們5個大漢怎樣清拆違例木屋！
樂隊Nowhere Boys最近首次為電視劇《地產仔》寫主題曲《That’s Why》，MV除了有他們一貫的西部牛仔曲風之外，更特別在工廠大廈平台搭了一間100呎正方型木屋，內裏分成5格，5位成員一人一格，以突顯香港人的住屋苦況。
觀看相關影片按以下畫面：
抱埋狗狗拍攝。
100呎正方型木屋分5格塞5個人。
至於帶同愛犬來拍攝的主音歌手Van解釋謂：「歌詞入面有一句『連做狗間屋都比我大』，就因為呢句歌詞，畀到導演靈感，想真係搵隻狗嚟做到呢個對比，所以就搵嚟我嘅乖女Poochie（法國鬥牛犬）客串演出。其實佢嘅演出經驗都幾豐富，拍過廣告做過女主角，今次佢嗰場戲要困住佢一個喺間木屋入面，但佢完全唔驚，仲跟足導演指示交足戲，要佢轉圈就轉圈，要佢攤地就攤地，乖過平時喺屋企。」
Ending仲要拆屋。
Nowhere Boys貼地講住屋。
提到香港住屋問題，鼓手Nate說：「我初初返香港嗰幾年，住嘅地方都唔大過呢間木屋幾多，所以好明白住喺度嘅感受。」Van特別提醒：「Ending我哋要5個人一齊入去，各自在自己一格，用手腳同道具樂器拆咗間屋，大家一定要仔細欣賞我哋5個『寮仔部』大漢點樣清拆違例木屋啦。」
Nowhere Boy對黃淑蔓有讚無彈，更大讚她是少數做到一Take零瑕疵的歌手！
樂隊Nowhere Boys（NWB）最近邀請「寰亞孻女」黃淑蔓（Feanna）合作，重新灌錄Feanna新歌《I am All Alone》。主音Van表示歌曲的原版有較多後期音效，為了讓樂迷原汁原味細聽Feanna的靚聲，決定錄製Live Band版本。感冒初癒的Feanna錄音前大叫緊張，不過她狀態大勇一Take完成，Nowhere Boy對她有讚無彈，更大讚她是少數做到一Take零瑕疵的歌手！
Nowhere Boys邀請黃淑蔓合作，重新灌錄Feanna新歌《I am All Alone》。
VIDEO
觀看相關影片按連結：https://youtu.be/VEXeaWcNLSQ?si=cFvYuE4UgcKmU6ob
《I am All Alone》是微電影《I am Not Alone》的主題曲，主音Van透露歌曲一推出已即時收聽，覺得很好聽之餘亦希望有機會與Feanna合作。他說：「聽完嗰刻就諗會唔會有機會同Feanna玩呢首歌，本身嗰個版本比較電音少少，Vocal都好多Auto-Tune。我覺得咁靚嘅聲要有一個Live版本，無Effect遮咗你把靚聲，好開心今日有機會做到呢個Live。」
主音Van
感冒初癒的Feanna坦言錄音前很緊張，但狀態大勇的她一Take完成，Van大讚Feanna說：「病打咗折扣都咁嘅Level，你話佢Full Power係點？好少歌手係做到一Take無瑕疵！」鍵琴及小提琴手漁佬突加一句：「你（Van）陪佢做到呀！」Van回應：「你知唔知啱啱好大壓力㗎？練咗幾耐呀啲和音。」漁佬點頭笑說：「我知呀。」Van續指：「本身諗住返去剪下、補下Take，但唔使，直接Mix得出街。」
感冒初癒的Feanna狀態大勇的她一Take完成。
Van大讚Feanna：「好少歌手係做到一Take無瑕疵！」
漁佬表示想為Feanna寫歌，獲對方一口答應。當Van問Feanna，公司是否准許她做「Rock妹」時，結他手Ken搶答說：「畀，乜都得。」Feanna笑言：「我覺得應該係得。」他們隨即討論MV情節，Van提議漁佬做《一拳超人》的埼玉，漁佬笑說：「做鐘樓駝俠救美女。」Feanna提出Nowhere Boys五位成員一同做男主角，Van驚訝指：「吓，你個MV會好混亂。」漁佬說：「唔係五個爭一個，係五個養一個，一個女有五爸爸。」Feanna拍手興奮說：「五個爸爸的小孩，歌名已經決定好，Rock嘅」，全場爆笑。
鍵琴及小提琴手漁佬表示想為Feanna寫歌。
Feanna提出NWB五位成員一同做男主角，並興奮說：「五個爸爸的小孩，歌名已經決定好，Rock嘅」。
談到為Feanna寫歌的酬勞，漁佬從衫袋拿出一樽止咳丸，他說：「頭先我咳到停唔到，Feanna畀咗粒我食即刻無事。」Van就：「聽講好難食。」親身品嚐過的鼓手Nate形容是「頂唔順嘅味道」，但漁佬卻開聲指覺得味道不錯，身旁的Van突然掩鼻高呼：「我聞到你個味，好臭呀！行開啲！」場面搞笑。Feanna形容止咳丸就像一碗中藥的濃縮版，她說：「我都好唔鍾意食難食、苦嘅嘢，但佢真係好Work。」
鼓手Nate
合作得好開心！
