娛圈事
又放閃了！
湯洛雯着咗男友馬國明至愛嘅卡通人物唐老鴨T後，被講足幾日，不過佢似乎用呢個方法放閃亦樂此不疲，今日繼續放呢輯相嘅食雪糕版，仲寫住：「唔知幾時先可以再出去食雪糕呢？#而家先見到隻豬仔流鼻血#positivevibes#thingswillgetbetter#staysafe#因為冇出過街嘅關係所以都係post同一輯相請見諒」
不過，網友唔再留意件T，反而關心杯雪糕有兩隻匙羹。
湯洛雯持續放閃，馬明回應完胡鴻鈞即時加把咀。
靚湯同馬明呢一對，相當受外界歡迎。
靚湯呢輯唐老鴨T相貼過多張，每次都引起網友話題。
而馬明好識做即時回應，畀咗兩個為食樣嘅emoji，不過今次網友冇再咬住「唐老鴨」唔放，反而將重點放咗喺杯雪糕點解會有兩隻匙羹度，首先回應馬明嘅係老友胡鴻鈞：「兩隻匙羹一齊食啦！」跟住有網友話：「你睇吓店員好貼心地俾咗兩隻匙羹啦」、「做咩會有兩隻羹㗎 一隻咪夠囉你地兩個用同一隻咪得囉」睇嚟靚湯同馬明呢對，網友仲有排玩！
靚湯心痛愛貓！
湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。
湯洛雯與馬國明當兩隻愛貓是心肝寶貝一樣。
愛貓打完疫苗後出異常反應。
靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」
靚湯心痛得狂飆淚！
隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」
靚湯叫大家帶毛孩打完疫苗後， 一定要留意牠們情況。
指愛貓情況已穩定。
