杜德偉自編自導搞鬼變髮 自推2020年版《點解咁好笑》

做過搞笑節目嘅佢表情一流。

七月初，杜德偉(Alex)飛去上海拍攝《射鵰英雄傳之九陰白骨爪》，好彩老婆跟埋去，有人陪唔使咁悶。今日佢唔使開工，佢話喺房冇嘢做，所以自編自導自演自拍自配自剪，題目係《33年後的點解咁好笑》(編按:《點解咁好笑》產自1988年，由杜德偉及林敏驄主持，以趣劇演繹日常生活的瑣碎事，讓觀眾開懷大笑。)

杜德偉第一次自編自導自演自拍自配自剪。

佢抹緊鏡。

發現髮型唔同咗。

再抹。

髮型又變咗。

再抺再變。

繼續變。

然後佢嚇親，你睇佢幾驚。

掉毛巾然後走。

1988年嘅《點解咁好笑》， myTV SUPER有得睇返。

杜德偉玩鏡，佢個囝今日又係玩鏡。

方力申、周慧敏同關之琳睇到笑。

段片就係影住佢抹鏡，抹抺吓就變咗髮型，每次變髮型佢都嚇一嚇，最後佢仲嚇到走咗。做過搞笑節目嘅佢表情一流，嗰啲唔係呀嘛嘅表情做得特別好，對於佢呢個第一次處女下海，關之琳、周慧敏同方力申都睇到留笑笑Icon。

杜德偉透露明年出道40周年，計劃有大搞作，並希望明年能夠在香港紅館攞到期舉行周年演唱會。

杜德偉（Alex）昨晚（3月19日）應邀出席慈善活動「保單捐贈音樂會──『若然世界沒忽略2024』」，Alex繼月初TVB博愛騷後，再一次現身公開活動演唱。Alex久未在港踏上舞台，故此歌迷這晚反應非常熱烈，而Alex在台上又大方自揭年齡，跟觀眾打成一片。即將在5月台北小巨蛋舉行巡唱的Alex，當然亦被追問何時回歸主場，Alex就笑言其實每日都在香港開唱，又透露明年出道40周年，計劃有大搞作，叫觀眾拭目以待。

Alex應邀出席慈善活動。

Alex透露明年出道40周年，計劃有大搞作。

Alex這晚在台上連唱三首經典情歌包括：《擦身情緣》、《無心傷害》及《Because I love you》，而慈善演唱會的台下觀眾遍布社會各不同年齡階層，但同樣被Alex歌聲吸引，大家都聽得非常投入，掌聲不斷，演唱中途Alex又發揮幽默本色，哄得台下歌迷歡喜，他笑言這天有機會跟自己母校師弟們聚舊：「聽講今日有好多我母校聖保羅書院的師弟到場，就算有好多師弟，年紀相差應該好遠，我1978年畢業，應該好多才90後畢業吧，時間過得好快，人生好快，一轉眼由20幾歲，好奇怪就已經到60歲。」

Alex在台上連唱三首經典情歌。

演唱中途不忘發揮幽默本色，哄得台下歌迷歡喜。

難得在香港公開場合演唱，故Alex甫上台，觀眾經已歡呼拍掌，Alex接受訪問時就表示欣喜獲大會邀請：「其實今次係第一次嚟到戲曲中心表演唱歌，感覺好新鮮，今次難得有呢個緣分出席慈善活動，既然機會去到我面前，我一定會參與，全力以赴﹗」

Alex表情第一次到戲曲中心表演唱歌，感覺好新鮮。

Alex過去一年走到新加坡、上海等內地城市舉行巡唱，下一站就會是5月到台北小巨蛋，香港歌迷都敲碗想問Alex何時回歸主場開騷，他就開玩笑說到：「其實我日日都喺香港開演唱會，自己屋企沖涼嘅時候，我就會開一場，哈哈。其實我係好希望能夠喺紅館開，明年就是入行40周年，香港係我事業生命嘅開始，所以希望明年能夠喺香港紅館攞到期，作為我40周年的世界巡迴演唱會第一站。」

Alex希望明年能夠在香港紅館攞到期，作為他40周年的世界巡迴演唱會第一站。

講到日前林志穎在社交平台，上載他們二人合照，牽起網民集體回憶，Alex就指跟對方經已認識超過30年，90年代初兩人並肩工作，當年他經常去到台灣做宣傳，而林志穎就會一盡地主之誼，及後二人各有自己事業和家庭，故多年來都鮮有見面：「我哋最近喺內地嘅一個工作度見返面啦，好感動嗰個感覺，即係大家一見到面時候，大家攬住都講唔到嘢，既陌生又熟悉嘅感覺，唔係十年人事幾翻身，係二十年人事多翻身啊，大家好似無分開過，仲係當年嘅好兄弟好朋友，呢種感覺唔係成日都有。」

林志穎日前在社交平台分享與Alex的合照。

Alex指二人經已認識超過30年。

雖然多年來都鮮有見面，但一見面熟悉的感覺沒有變。