關心妍賀41歲生日 獻唱經典作答謝親友歌迷祝福

生日快樂！

關心妍自彈自唱之餘，段片仲夾埋以前做歌手時慶祝嘅相。

朋友送嘅My Melody立體蛋糕。

又係朋友送嘅金咪大汽球。

尋日係關心妍(Jade)嘅41歲生日，因為疫情關係，壽星女無出街慶祝，選擇喺屋企開Party，見佢收咗好多禮物，有蔡一智Family送嘅靚花，有老公送嘅食物籃，仲有好多蛋糕，同埋海膽等美食。

蔡一智家庭送嘅靚花。

禮物仲有蟹同海膽。

呢個係關心妍老公送嘅食物籃。

壽星女自彈自唱。

因為以往生日都係親友及歌迷畀驚喜佢，今年因為出唔到街，佢就選擇反傳統，送番驚喜畀各位，就係自彈自唱佢嘅經典歌《無痛失戀》，佢仲好有心思咁將以往同Fans嘅慶祝相放埋落段片，Fans應該好有感覺，壽星Jade好有心喎。

關心妍日前在廣州完成《約》22周年演唱會，全場爆滿之餘，囡囡更自薦做嘉賓！

呢次演唱會原訂Jade出道20周年時舉行，但受疫情影響延至22周年舉行，但無阻歌迷熱情，來自內地粉絲紛紛撲飛：「呢次廣州係第一站，嚟緊仲有幾站會舉行，因為延遲咗兩年，所以都加啲新衫、新歌單比佢哋補數！今次香港Fans都組團二百人嚟支持，我叫佢哋乘機去吓啲大熱超市潮聖，其中一個Fans更加喺日本趕翻嚟睇騷。」

關心妍（Jade）日前在廣州舉行《約》22周年演唱會。

囡囡心心自薦做嘉賓！

因為關心妍久未舉行巡唱，現場一票難求，有哈爾濱樂迷南下捧場，到步後才發現全場爆滿：「我都唔知點算好，真係一張飛都冇晒，冇理由我地自己買黃牛㗎嘛！但見佢咁遠嚟到都要諗吓方法，最終我比咗囡囡張飛佢，我同心心講佢係嘉賓，要喺後台準備，唔洗門票嘅！啲Fans見到佢都好開心，話佢高咗好多，唔知下次開騷佢仲肯唔肯上台唱。」

全場爆滿！

Jade以新歌衫登場。

母女再度舞台合體成焦點，Jade亦帶新歌衫登場：「因為我剛剛簽咗新唱片公司(中國SONY)，希望比大家有新嘅感覺，加上心心都入咗小學，開始有翻啲時間做嘢，所以都趁佢返學日子錄新歌，不過我同公司講好咗，要跟學校校曆表去安排工作。」

Jade透露簽約新唱片公司(中國SONY)，希望給歌迷有新的感覺。