單文柔曬小豬比可愛相 陳展鵬嫌老婆攝影技術唔夠好

得意。

自從陳展鵬和太太單文柔升呢爹哋媽咪後，就不時於社交網晒囡囡陳諾瑤（小豬比）萌照，昨晚展鵬又貼出小豬比開心玩草帽仔的照片，他留言：「有新玩具玩心情特別興奮。」

陳展鵬和單文柔

陳展鵬鏡頭下的單文柔

陳展鵬鏡頭下的小豬比

觀乎留言中的Hashtag，估計新玩具正是一部新相機，展鵬唔只影愛女，仲拎埋出街影老婆去超市買嘢。

單文柔鏡頭下的小豬比

雖然單文柔影到有點「鬆郁朦」，但仍捕捉到小豬比可愛一面。

最後一張終於塊面係Focus到嘅，但陳展鵬話未算最靚，要等佢出馬。

而平時做開Model俾人影的單文柔，有咗呢件「玩具」後都化身攝影師，親自操刀為小豬比拍下成長紀錄，昨日她更連出3個Po，全部都係愛女的Cute爆Close-up樣，展鵬都忍唔住搞笑留言：「佢係話你影夠未呀！」

陳展鵬夫婦買咗新「玩具」，昨晚輪流晒小豬比萌照。

不過，見三張入面有兩張「鬆郁朦」，單文柔的攝影技術似乎有待改進，連展鵬都表示：「有質素嘅攝影，捕捉得唔錯！不過未算最靚，都要等我出手。」對於老公的批評，單文柔就耍花槍覆：「大膽。」

經典「紙戒指」求婚重現強攻網友集體回憶！

由劉家豪總監製、陳志江監製、岑國榮、孫浩浩擔任編審的《逆天奇案2》，本周一至周五晚八點半翡翠台播映結局篇。昨晚（6日）一集講到森Sir（陳展鵬飾）被陷害入獄後，阿Wing（林夏薇飾）前往探望；二人經歷過各種患難後，阿Wing終發現原來心底一直都放不低森Sir，她隔着玻璃向森Sir說：「你出返嚟之後，有件好重要嘅事要做，明明我成日叫你『同事』，原來有啲嘢係呃到人，但呃唔到自己，今次呢件事我發現我哋都唔可以冇咗對方，你心入面有我，我心入面都有你。我睇到你條路變得好難行，我好心痛，我想話畀你聽，我好想同你一齊行。」

「國民女友」 薇薇返嚟喇，佢向展鵬求婚！

薇薇同展鵬經歷咗咁多嘢後，終於發現自己其實放唔低展鵬。

薇薇喺展鵬最艱難時期都冇離棄佢不特止，仲調番轉頭向佢求婚，女友力Max！

紙戒指求婚靈感源自陳展鵬親身經歷
之後阿Wing戴上當年森Sir向她求婚的紙指戒，並說：「許浚森，你仲願唔願意娶我呀？我諗咗咁耐，鼓起咁大勇氣先敢向你求婚，你唔係諗住Say No呀嘛？」森Sir即說：「娶，我梗係娶你啦！」最後兩人隔着玻璃做出定情Finger Cross手勢，配以展鵬獻唱的插曲《後悔萬年》做背景音樂，浪漫指數爆標。上輯被封為「國民女友」的薇薇，昨晚一集大晒最強女友力，不單對陷入人生低谷的森Sir不離不棄，更主動向他求婚，絕對是患難見真情。而薇薇戴上紙戒指一幕，則引爆上輯森sir摺紙戒指向阿Wing求婚的浪漫集體回憶！其實紙戒指求婚情節靈感來自展鵬親身經歷，他曾經公開現實中亦是以紙戒指向太太單文柔求婚，相當浪漫。

冧豬指數爆標。

薇薇於笑臉跌出淚水呢個樣無敵！

網友諗番起上輯展鵬用紙戒指求婚一幕。

網友諗番起上輯展鵬用紙戒指求婚一幕。

「麻煩老爺」李龍基出招補鑊　黃智賢蔣祖曼婚事有轉機
另邊廂，Nic Sir（黃智賢飾）和Hazel（蔣祖曼飾）的關係亦有所進展！原本Hazel因Nic Sir爸爸福伯（李龍基飾）要求簽婚前協議書煞停婚事，來到結局篇，知衰的「麻煩老爺」福伯急急出招補鑊，與Nic Sir和Hazel吃飯時，透露睇相時被批印堂發黑將面臨劫數，借意催兩人結婚沖喜，講明不用再簽婚前協議之餘，更賣口乖謂：「我搞個龍捲風出嚟你哋都頂得順，一段感情經得起波折，一定打風都打唔甩！」Hazel聽畢態度明顯軟化，由「以後唔好同我提結婚兩個字」演變成「唔好提結婚住」，看來二人關係柳暗花明。

「麻煩老爺」李龍基出招補鑊。

再向黃智賢同埋蔣祖曼逼婚。

蔣祖曼態度明顯軟化，由「以後唔好同我提結婚兩個字」演變成「唔好提結婚住」，唔怪得黃智賢咁開心啦。