笑老公擺甫士似道具吳若希怨要指揮先識sweet啲

娛圈事

笑老公擺甫士似道具吳若希怨要指揮先識sweet啲

2020年08月13日 15:30 最後更新：15:53

吳若希承認老公像一個會動的道具

吳若希（Jinny）與老公何兆鴻（Alex）育有3歲女兒Giselle，現時懷有第二胎陀B仔的Jinny，一天前在社交平台晒孕肚照，連鍾嘉欣也讚她是靚媽。

今日Jinny則貼上挺住大肚穿連身白色內衣褲跟老公一起拍的孕照，相中的Alex從後笑咪咪攬實老婆，動作感覺生硬，難怪Jinny笑老公拍攝時擺甫士似道具。她留言說：「這張孕照，是第一輯的孕照的攝影師幫我們拍的，因為有拍過的經驗，他尊稱我夫君大人為『道具』。『props埋位！』、『頭低d（啲）』、『望住老婆』、『sweet d（啲）』，我承認他真的很像一個會動的道具～連『sweet d（啲）』都要被指揮，可想而知他對我是有多愛。BTW，謝謝風趣但專業的Dr. Sky幫我夫君大人在拍攝前打好斑，照顧好他之後的傷口護理。」

往下看更多文章

吳若希與老公肉緊啜囡囡面珠慶7歲生日激罕公開Giselle正面樣

2024年04月24日 20:00 最後更新：04月25日 12:01

Giselle與媽媽如餅印一樣

31歲吳若希（Jinny）於2017年與何兆鴻（Alex）結婚，並育有一女一子，Jinny亦都經常會在社交平台分享一家四口的相片，但一直將女兒Giselle（淼淼）保護得好好，幾乎沒有公開過她的正面樣。4月23日是Giselle的7歲生日，Jinnypo相為她慶生的同時，終於公開女兒相貌，與媽媽如餅印一樣！

近日Jinny在社交平台貼出慶祝女兒生日相片，她和老公一如以往左右夾擊啜囡囡面珠，並留言：「我真係唔知可以再啜到去幾多歲，今年已經啜到好似要打交咁。」激罕曝光Giselle正面，與媽咪吳若希如餅印一樣，Jinny寄語囡囡：「諗咗好耐應該同你講咩，喺你小時候，對你可能有好多期望，希望你開心，希望你快樂，希望你善良，希望你勇敢。但係漸漸地發現，我希望你做到嘅嘢，你全部都做到，有好多我唔expect你會做到嘅嘢，你都做到！睇住你慢慢進步，做媽咪嘅真係好安慰。」Jinny感歎時間過得很快，轉眼間，女兒已經七歲，「開始慢慢接觸外邊的世界，有自己嘅圈子同埋自己嘅諗法，媽媽會繼續做你嘅好朋友，隨時準備好耳仔，聽你分享你嘅生活同心情，媽媽愛你！」網民亦留言大讚：「家姐似足mama你大眼睛咁靚女」、「家姐好靚女，未來香港小姐，又遺傳媽咪咁高。」