等疫情過咗仲有機會
「索腿天后」陳敏之早前亮相邵氏跟內地優酷視頻合拍劇《飛虎之壯志英雄》開鏡儀式，將在劇中與張兆輝再度合作演夫妻，但角色已被陳煒低調頂上。有指陳敏之曾在社交網站作政治表態，遭到內地網友狙擊及抵制，由於《飛虎3》是與內地平台聯手製作，劇組發現她牽涉政治風波後，急忙安排另一人選頂上，避免再因演員問題而影響到劇集宣傳及上映。
《飛虎之壯志英雄》中原先陳敏之同張兆輝做兩夫妻。
由於敏之的戲份仍未開始拍攝，陳煒近日才收到指示低調加入劇組，令幕前演員都未有發覺，而她正同時忙拍另一新劇《刑偵日記》，對於「劇疊劇」始料不及。敏之被問及易角一事，解釋係因為擔心新冠肺炎疫情不穩定，事前已向邵氏高層表達憂慮，而劇集開鏡後隨之而來的第三波爆發，令敏之十分擔心家人安全，因而向公司辭演，而邵氏高層樂易玲亦接受了敏之辭演的理由，安排陳煒加入劇組。
雖然敏之解釋係因為憂慮疫情，但當日她有參與開鏡拜神活動。
突然有空檔，敏之可以多陪吓囝囝。
就係因為一張喺IG發放嘅圖片，觸動內地網民神經，傳陳敏之《飛虎3》角色即被陳煒取代。
至於陳煒執二攤一事回覆：「工作一直係由公司安排嘅，我都係接到演出工作就做，至於其他我就唔太清楚。」
