馬明玩變臉App化身美斯 湯洛雯公投上載其他版本

靚湯快啲公開啦～

資料圖片

馬國明自開通Instagram及公開認戀湯洛雯後，除活躍帖文外，人也變得活潑。熱愛足球的他，這日玩起影片變臉App變身球王美斯，天然呆不再，換來是開心笑臉。

影片截圖

影片截圖

影片截圖

有網民讚片段「毫無違和感」、「都幾似，下次用C朗」、「Key落去又真係好夾喎」等；胡杏兒、高海寧和陳煒都讚好，當然少不了靚湯留言：「我可以上傳你的其他版本嗎」？雖然馬明沒回應，但靚湯實在太想大家看到，呼籲網民投票。

資料圖片

估計馬明玩這些大熱App都是靚湯教，所以靚湯有很多版本在手。

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。