姜濤話，希望能再次執導
參加第一季ViuTV真人騷《全民造星》奪冠爆紅的「姜B」姜濤，第5首個人單曲《孤獨病》今日正式派台，而MV就聽日見街。由於姜濤正身處台灣拍劇，暫時未能回港宣傳新歌。不過不緊要，雖然姜B人在台灣，但日日都可以在香港見到姜濤個名，正所謂「姜濤不紅，天理不容」。講返MV，接job接不停的姜B今次還跨界別首次做埋MV導演，自導自演還未算勁，他更挑戰高難度「一shot落」拍攝，「姜糖」們是否看字已經想大叫?
點擊看圖輯
MV以姜濤為中心出發，利用spotlight營造孤獨感。
《孤獨病》MV將於明晚八點在Mirror YouTube Channel 首播。
姜濤首次執導MV，自言最好玩是可以坐在導演位掌控成個MV拍攝過程。
MV發相可見Spotlight打在穿起黑色西裝的姜濤身上，一眾姜糖應該有排J。
姜濤腦海一直有一個畫面想在MV呈現，故跟經理人花姐自薦參與MV製作。
《蒙著嘴說愛你》MV中，姜濤身處多個螢幕中跳唱。
姜濤現於台灣拍攝由ViuTV出品，台灣八大電視發行的新劇《超感應學園》。
MV以姜濤為中心出發，利用spotlight營造孤獨感。
《孤獨病》由林奕匡作曲、陳詠謙填詞，講述一個人孤苦無依的內心世界。歌曲以孤獨為主題，而姜濤腦海一直有個畫面與歌曲的主題匹配，他說：「好耐以前腦海就有一個畫面，有一個spotlight打落嚟照住我一個，好反映到我內心嘅畫面，但一直揾唔到合適嘅歌曲呈現出嚟，今次遇上《孤獨病》，係一個好好嘅機會去用呢個idea，所以我就同花姐講，可唔可以畀我參與拍攝MV嘅過程。」然後姜濤就順理成章成為《孤獨病》MV的導演。
《孤獨病》MV將於明晚八點在Mirror YouTube Channel 首播。
早前在拍攝《蒙著嘴說愛你》MV時，當時的導演袁劍偉已想過為姜濤拍攝「一take過」的MV，但最後種種原因改變拍攝方法。今次姜濤終於得償所願，並首度擔任MV導演，被問到這次MV拍攝最好玩的地方是甚麼？姜濤笑言：「最好玩係可以坐喺導演位掌控成個MV，呈現喺你心目中嗰個樣，可能開頭唔似你想要嘅嘢，但係慢慢就成形，呢個係最過癮嘅地方。」講到最難忘的事情，姜濤表示是與工作人員之間的溝通，他說：「好多嘢唔符合你嘅畫面，你要慢慢同大家溝通，先可以做到你心目中想要嘅畫面，呢樣嘢睇落去好似好容易，但其實任何一支MV或影片，你哋睇到1秒嘅shot，都要好多工作人員配合先可以完成，加上今次係1 shot過，更加需要大家配合，所以都NG咗好多次。」
姜濤首次執導MV，自言最好玩是可以坐在導演位掌控成個MV拍攝過程。
MV發相可見Spotlight打在穿起黑色西裝的姜濤身上，一眾姜糖應該有排J。
姜濤腦海一直有一個畫面想在MV呈現，故跟經理人花姐自薦參與MV製作。
《蒙著嘴說愛你》MV中，姜濤身處多個螢幕中跳唱。
姜濤現於台灣拍攝由ViuTV出品，台灣八大電視發行的新劇《超感應學園》。
對於自己首次執導的表現，姜濤坦言未做到最好，他說：「我已經盡咗力，拍咗我心目中想要嘅嘢，當然理想同現實有一定嘅差距，但自己已經滿意，希望可以將成品分享畀大家。因為要見得人，係要過一個好高嘅關卡，所以過到自己，即使成品未係100分，都希望大家睇到都會有『wow!』嘅感覺。」姜濤明言，有機會的話，希望能再次執導，拍一首跳唱歌的MV。
