男人,都係有樣嗜好先至唔會亂諗嘢!
啱啱簽咗古天樂公司嘅張繼聰,事隔多年再出新歌《David Harleyson》,仲搵埋一班古董電單車迷如森美等人友情客串,一齊幫手拍MV,寓工作於娛樂。森美同張繼聰志趣相投,亦係顧家好男人,森美同《頭條新聞》講:「駕駛電單車要更加集中精神,訓練到個人有少少冥想狀態,咁就唔會亂咁諗埋啲冇謂嘢!」睇嚟森美舊拍檔細So要學吓揸電單車喇!
點擊看圖輯
結婚20年,森美對老婆一條心,駕駛電單車可集中精力,唔使諗埋啲冇謂嘢。
平日張繼聰為家庭而忙碌,所以要搵方法平衡生活及工作。
呢部絕版電單車係謝安琪送畀張繼聰嘅生日禮物,特別珍貴。
問森美愛電單車多定老婆多,他笑說,不如問老婆愛我多,定電單車愛我多啲?
張繼聰話所有嘢都唔使問淮老婆,唯獨買車就要得到批淮喇!
森美及張繼聰強調中佬一定要有啲嗜好,揸古董電單車就最健康,因為唔講求車速,平日只係遊吓車河,感受吓大自然。
張太謝安琪好鍾意坐電單車尾。
日前森美及張繼聰,駕駛深愛嘅Harley Davidson古董電單車享受男人的浪漫,一班車友幾乎每個周日早上都有聚會,飲完茶兜完風,中午12點前就要趕返屋企交人。張繼聰好Enjoy呢幾個鐘頭,因為係屬於中佬嘅自由時間:「一班人聚埋遊車河係一種減壓方式,而且男人去到某個階段要有個嗜好,唔係食就瞓,個人好易走樣。」森美點頭同意,他們更影響到一班車迷變得愈嚟愈健康,大家都想有fit爆身形,可以着住靚衫揸住部車影靚相。
結婚20年,森美對老婆一條心,駕駛電單車可集中精力,唔使諗埋啲冇謂嘢。
電單車「毒」性好強
平日張繼聰為家庭而忙碌,所以要搵方法平衡生活及工作。
張繼聰爆森美有4部電單車,其中一部係用嚟買餸嘅「綿羊仔」,最離譜仲有部「駁腳車」,開去揸其他車,阿聰笑說:「嗱!4部就太離譜喇,我只得3架,而其中一架絕版PS-520係老婆謝安琪送我嘅生日禮物。因為電單車唔貴又慳地方,毒性真係好大。」除咗愛電單車,兩人坦言對老婆一條心,阿聰說:「我老婆咁索,唔使諗出軌,我追我老婆都未追得掂呀!」
一對子女被阿聰感染都鍾意玩小型電單車。
呢部絕版電單車係謝安琪送畀張繼聰嘅生日禮物,特別珍貴。
阿聰寸爆森美,指他揸「綿羊仔」去買餸!
問森美愛電單車多定老婆多,他笑說,不如問老婆愛我多,定電單車愛我多啲?
張繼聰話所有嘢都唔使問淮老婆,唯獨買車就要得到批淮喇!
森美及張繼聰強調中佬一定要有啲嗜好,揸古董電單車就最健康,因為唔講求車速,平日只係遊吓車河,感受吓大自然。
森美笑說:「唔係個個人都好似我哋咁好運,不過,揸電單車都訓練到集中精神,唔會亂咁諗埋啲冇謂嘢!其實寫一部以電單車為題材嘅劇集都唔錯,由開車講人生,疫情下更貼切,唔少人駕車做送外賣。」
修哥獲一班好友與後輩撐場當嘉賓!
修哥胡楓於今個星期六(5月18日) 在澳門倫敦人綜藝館,舉行一場《無限楓騷演唱會2024》,這亦是修哥於澳門的首個個唱,全場門票經巳售罄,屆時修哥將會聯同二十多位嘉賓包括張家輝、福·祿·壽 (王祖藍、阮兆祥、李思捷)、羅蘭 、Maria Cordero、 Joe Junior、顧紀筠、 鄭丹瑞、斑斑、蘇永康、黎瑞恩、胡杏兒、何國材、鄧麗欣、周柏豪、王菀之、張繼聰、許靖韻、曾比特、龍婷、古淖文、譚輝智和顏米羔為全場觀眾帶來一個精彩和難忘的演出。日前修哥與表演嘉賓羅蘭、張繼聰及蘇永康一同進行綵排,並合唱了《朋友》一曲。
胡楓與表演嘉賓羅蘭、張繼聰及蘇永康一同進行綵排。
修哥將於本月18日於澳門舉行一場《無限楓騷演唱會2024》。
修哥得到一班好友與後輩遠專誠過澳門撐場支持感到十分開心:「但搞著大家真的不好意思,知道今次有20多位嘉賓,因我只會理我唱歌的部份,契仔張家輝、契女斑斑都是由大會邀請參予,我只會打攪羅蘭到來幫我。」羅蘭姐即笑說:「我跟修哥認識了幾十年,由當年拍檔至今,也見證了他與太太拍拖到結婚。」媒體即起哄叫修哥伴舞?修哥笑說:「你哋做導演呀,她獨唱好叻!」羅蘭姐笑謂修哥是舞王,由他伴舞的提議也不錯。
胡楓親邀羅蘭任表演嘉賓。
修哥Good騷呀!
今次演唱會只演一場,修哥有否欠下飛債?修哥笑說:「我從來不理門票安排,朋友話要買飛,我會叫他們找主辦單位,因為幫大家買完又要分飛,非常麻煩,所以我一張都不理,只會顧及演出方面。」阿公蘇永康獲修哥點名唱《前程錦繡》,張繼聰則與王菀之、鄧麗欣合唱《Monica》,再與修哥合唱《千個太陽》,並與羅蘭姐合唱《漫步人生路》,全都以開心為主。阿公大讚修哥對工作熱誠,綵排時都很認真去唱:「我媽咪88歲都無修哥咁精神,這位長輩對生命的熱誠好值得學習。」阿聰認同說:「我都有跟修哥提供的養生之道,早在10年前與他拍戲時,見他在片場不會坐定,隨時起身四週度步,這就是他健康養生方法,10年後的今天,我自己都覺得變老了,但修哥仍然好堅壯,絕對值得大家學習。」
張繼聰到時會做嘉賓。