新巴城巴均指插座安全可安心使用。
一名港媽日前在網上發文怒斥巴士座位安裝USB插座很危險，擔心「會電親小朋友」，揚言會向巴士公司投訴，引起網民討論。新巴城巴其後在社交網站發文，強調整個USB充電系統是一個特低電壓的電力系統，非常安全，而且所有插座都符合國際安全標準，「唔會咁易漏電」，呼籲乘客安心使用。
「新巴城巴 NWFB and Citybus」FB圖片
事緣是有港媽日前在Facebook發文，斥責巴士座位安裝了USB充電插座只是方便其他乘客打機，並無實際意義，又指「小學生篤手指入仲會電埋旁邊啲人，超危險」，甚至怒斥巴士公司「可唔可以用腦諗嘢？」。
「新巴城巴 NWFB and Citybus」FB圖片
新巴城巴昨日在Facebook專頁發文，引述工程部稱，巴士充電插座只有5V直流電輸出，單頭的插座電流輸出為2.1A；而雙頭插座的電流為3A，每個插座最多只有1.5A（實際情況視乎電子產品及充電線規格）。整個USB充電系統只是一個特低電壓的電力系統，非常安全。而且所有USB插座都符合國際安全標準，「唔會咁易漏電。所以即管放心使用啦」。
新巴。資料圖片
文章又指，現時新款巴士的座椅椅背都配備了獨立USB充電插座，只要有充電線，就可以為電子設備充返電，「打機、覆email，都一樣唔怕無電啦！」又hashtag了「電話無電救您一命「、「不可插入手指」、「愛護公物」、「請小心照顧同行兒童」。
城巴及新巴。資料圖片
帖文再次引起網民熱論，有人大讚新巴城巴認真回應，又有人留言稱家長有責任教導子女勿伸手入充電口，而非責怪巴士公司。
街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。
(FB圖片）
連鎖快餐店內疑有人開班教畫畫
該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。
圖片來源：大快活官網
年青人點餐消費，用餐後繼畫畫
樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。
示意圖。設計圖片
網民批評無公德心
帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。
（FB截圖）
網民估計另有原因
亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」
帖文來源：Facebook群組「啟德居民自由講」
