做過20年議員嘅陳婉嫻，嫻姐今日上工聯會的鄧家彪阿彪嘅Bill up節目做KOL，上社交平台已經少有，評論特區政府同民間的抗疫工作時，罕見發火。
原來，嫻姐自己親身經歷過黑暴區議員在疫情爆發時，點樣政治上腦，有破壞無建設。慈雲山在疫情最嚴重的關頭，嫻姐四處奔走慈善機構，和政府部門、民間團體合作，為獨居長者送食物包。原本係好事，結果區黑暴區議員竟然當自己係山寨王，干擾派食物包的義工和職員，大吵大鬧，有公務員看到有人鬧，就相當怕事。事後，黑暴區議員竟然話食物包係佢哋派嘅，搶住領功，真係不知廉恥。
仲有一件事嫻姐都好嬲。普及社區檢測推出後，反對派政治上腦，不顧市民的生命健康，用一些站不住腳的東西來抹黑內地和檢測。 嫻姐好感慨地話2003年SARS時，大家無論持什麼政見，都是一起來解決問題先，宜家唱衰完普檢又唱衰健康碼，根本就不是解決問題，而是製造問題。
嫻姐罕有上社交台做節目
講開又講，在工聯會做地區工作預咗反對派來搞場，但有些公務員有事就企埋一邊，亦令嫻姐好嬲豬，除咗之前派食物一些怕事公務員怕咗黑暴區議員外，負責醫療衛生的官員，嫻姐都好有意見，佢認為健康碼好重要，首先要設定抗疫目標係清零，直指「政府要有咁樣的決心先得」，暗示有官員根本沒有將清零作為抗疫目標。
再講到智慧城市，瑞士國際管理發展研究院早前公布全球智慧城市指數（Smart City Index），嫻姐直鬧創新科技局：「新加坡排第一，香港呢？」佢話曾介紹一些生活在外國華人科學家來港發展，局長好歡迎，但一落到去下面的官員，就好似人哋想嚟落著數，無仔細研究人家的科技成就。
Sebastian
** 博客文章文責自負,不代表本公司立場 **
旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。
Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。
收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。
Agnes話，每當想起這段回憶，自己能夠幫老人家完成心願，好有滿足感。
退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。
由新加坡回流香港發展的Marco，透過參與「旅遊義工」計劃重新認識香港。
Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。
由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。
做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。
最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。
各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。
