有90後網民分享憑實力買樓經歷。
近日樓市交投有回暖跡象，有網民稱發現近月多了投身職場不久的90後置業，議論到底是靠自己實力還是父母幫一把多。
資料圖片
連登討論區有網民發文，指發現近日好多後生仔上車，「講緊係果堆有穩定偏高收入嘅90後，例如老師、醫護、主任級公務員等，儲咗/問屋企借4至60萬，就急急腳搵啲唔洗大執嘅樓九按上車，到底呢個決定係好定壞，想知大家身邊多唔多人呢排上車？」另外有網民發文說，「成日睇啲 、90後買樓故事，基本上唔係父幹就母幹，究竟有冇90後買樓係靠自己」。
有過來人分享自己體會，「我同我老公90後，真係完全無靠父幹，因為大家屋企都窮。老公早我幾年做野，份人好慳，我就做咗4年。今年年頭買咗樓，我哋用曬身家比例係佢8我2，我哋係俾一成首期，5xx幾萬嘅樓，每一個月供2萬，一人一萬。雖然我哋唔係買咩豪華樓，但我哋真係憑自己努力打工儲返嚟，以自己為榮」。
有網民稱發現近月多了90後置業。資料圖片
另外也有人透露，「我同男朋友都係做醫療，唔係醫生，做咗5年野大家都各儲到100萬。冇父母幹，啱啱上咗車9按7球幾樓。勝在我同男朋友共同目標就係有個安樂蝸。
這位女網民分享，「平時出街都冇咩洗費，冇話特登去慳錢捱面包，睇戲多數去寶石，大日子就食下放題 ，禮物全部Diy，當中大家都有比錢讀過master，同旅行一年3至4次。我每個月最大支出就係比8000家用，平時牛記笠記，所以手袋靚衫化妝保養品從來都冇買過。男朋友就唔洗比家用，最大支出就係停車場同保險費，重點係返工帶飯真係慳好多錢」。
資料圖片
有網民分享，「認真識唔少，好幾個都係護士，有啲入銀行做好多花紅，父母幹就一定有，都有啲抽居屋上到，其實抽到居屋上都係十幾廿萬，正正常常儲錢30歲鬆啲一定上到啦。家庭壓力都要細囉，屋企人有咩長期病患，或者一早仙去自己要獨立，一定起步比人慢。不過講到尾，人比人比死人。」
資料圖片
有網民留言提出，「唔靠父母幹，就要兩個肯一齊存，加借足9成先上到車，當兩個每人搵3萬至4萬，每人存1.5萬, 一個月3萬, 一年就36萬，獎金、花紅去完旅行就存晒去，存完就一年40萬咗右，大約3至4年存到150萬左右。800萬樓用『林鄭plan 』都可以輕鬆上車，之後都要月供兩萬幾」。
