娛圈事
好清爽！
日前薛家燕戴上留瀏海短假髮，形象煥然一新出席商場中秋活動，對於換個「新髮型」，家燕姐哈哈大笑：「呢個新髮型係咪好特別呢？其實想換吓形象，頭先我出嚟時，好多fans都話唔認得我，因為唔見咗粒癦，我覺得呢個新髮型後生啲、好有新鮮感。」
日前家燕姐出席商場中秋活動。
身在美國嘅珊珊離家大半年了，家燕姐梗係掛住佢啦！
粉絲幾乎唔認得換咗新髮型嘅家燕姐！
家燕姐盼望今年屋企人齊齊整整坐埋喺度食飯。
今年薛家燕首次推出自家品牌「家燕媽媽流心奶黃月餅」，疫情下銷情不俗，「中秋節係一個佳節，希望我嘅月餅，大家食得開開心心囉！我都有成大半年冇出去商場行喇！而係今年中秋節最大希望係團圓，好想身在美國嘅大女珊珊可以趕得切返嚟，隔離完14日之後，趕及成家人一齊食飯過中秋節！如果到時受限聚令影響就留喺屋企食，但唔使我煮，因為我細女同新抱𠵱家煮飯好叻，呢個疫情佢哋日日都煮餸煮飯，好好味！咁喺屋企食都好開心。」家燕姐又忽發奇想，「或者食完飯食埋月餅再上山頂賞月。」
李琳琳與愛妻號老公姜大衛好sweet sweet！
李琳琳今日（5月4日）現身新城廣播接受薛家燕、范振鋒、思敏主持的《開心大派對》節目訪問，天文台雖然發出紅雨警告，但琳琳姐非常專業風雨不改，依時現身接受訪問，細心的家燕姐初時十分擔心天雨，打算派司機接送李琳琳，但琳琳姐的愛妻號老公姜大衛（John哥）親自開車接送太太，令到三位節目主持家燕姐、范振鋒及思敏十分感動，大讚琳琳姐與John十分幸福甜蜜，而新城廣播總經理（節目規劃及頻道運作）朱子昭更特別在紅雨中探班為大家打氣。
李琳琳現身新城廣播接受《開心大派對》節目訪問。
左起：思敏、薛家燕、李琳琳、范振鋒
新城廣播總經理（節目規劃及頻道運作）朱子昭（左）特別在紅雨中探班，為李琳琳、家燕姐打氣。
琳琳姐獲愛妻號老公姜大衛親自開車接送。
家燕姐在節目中恭喜琳琳姐有份演出的新片《從今以後》奪柏林影展泰迪熊獎，琳琳姐即讚該片導演楊曜愷：「導演花了好多心思，好多部門都好到位，實至名歸！」家燕姐與范振鋒、思敏三位主持跟琳琳姐在節目再談到《從》片探討女同志伴侶權益問題，琳琳姐亦有感而發：「呢部戲想帶出訊息，要及時行樂，人生無常。」對於香港同性戀仍未合法化，琳琳姐指同性戀者為對方付出好多愛，但暫時在法律上仍沒保障。
家燕姐恭喜琳琳姐有份演出的新片《從今以後》奪柏林影展泰迪熊獎。
琳琳姐指《從今以後》想帶出訊息，要及時行樂，人生無常。
已有三十多年沒演戲的琳琳姐在節目中表示初時接拍《從今以後》，很擔心太久沒演戲，好驚演技不適合現今年代，笑言：「我反而在片中似新人，另一位新人就是黑妹姐，哈哈！」琳琳姐並大讚片中年青演員好專業：「片中所有年青演員令我學習到專業，以前同依家的器材完全不同啦，以前拍戲，轉燈轉景都要等好耐，我們等埋位時會嘻嘻哈哈，如今器材先進了，年青一代等埋位時說話也會細細聲，不會影響進度，很欣賞。」家燕姐更大爆與琳琳姐兩人以前在年青年代愛蒲夜總會跳舞，但強調以前去夜總會好單純，純粹跳舞及與一班朋友去玩，兩人並謂：「我們以前真係好鍾意跳舞。」
琳琳姐又大讚《從今以後》中年青演員好專業。
家燕姐就大爆與琳琳姐兩人以前在年青年代愛蒲夜總會跳舞。
