疫情下大覺悟忘記仇恨 洪永城要清空心靈

Tony話，愛同關懷最重要

由洪永城(Tony)主持及張志明監製的TVB節目《你還好嗎》，探討喺疫情下，東南亞及歐美等地人民嘅生活有乜變化。Tony坦言亦有所啟發，學會要「清空」自己：「呢個疫情，人與人之間好似多咗道門咁，社交係需要距離，但愛同關懷係唔需要距離嘅，發覺仇恨原來都係小事嚟，唔會再擺喺心！」

之前拍劇同朱晨麗有誤解，未知Tony會否主動化敵為友呢？

疫情下，Tony好積極做運動，仲會經常同女友去跑步。

疫情下，洪永城坦言都有所啟發：「疫情前對朋友及家人忽略咗關懷，所以呢個時候，都有向世界各地朋友發出問候訊息，有啲成十年冇聯絡，之後遍佈世界各地嘅家庭群組嘅互動都會多少少。」問到跟親友疏離會否被誤會紅咗變冷漠？Tony即解畫：「佢哋明白我好忙，不過𠵱家開始諗，點解同親友嘅關係冇以前咁好呢？思考究竟發生過乜事？離唔開一個愛字，最後都係問一句『你還好嗎？』就可以解決到所有障礙。」

Tony呢期愛打坐冥想，因為可以清空心靈。

Tony話當下可以做到乜就做，最想去籃球場打返場波。

一切誤解都係小事

Tony預計下年先有劇拍。

Tony未計劃同女友梁諾妍結婚。

因為各地封關，Tony只能喺香港取景拍《你還好嗎》。

「泰國通」胡慧冲負責報道泰國篇！

Tony疫情下大覺悟忘記舊仇。

問到會否清除過往嘅誤解化敵為友？Tony坦言嗰啲都係小事：「𠵱家增長咗智慧，好多嘢都唔重要，有緣份就繼續，冇都冇辦法，唔會擺喺個心，原來擺咁多雜物喺個心入面都唔係咁好，要諗辦法去清空自己，令到自己個『背囊』再輕啲，目前無時無刻都接受新嘢，抱住一個正面嘅態度，打坐、冥想都足以清空心靈，除咗早睡早起，仲會參加網上課程進修，唔好畀自己停落嚟。」

梁諾妍透露自己因為疏於泵奶，導致患乳腺炎，更連日發高燒要入院。

梁諾妍（Inez）與洪永城於2021年結婚，同年誕下大女「Sir Face」洪靖嵐（Amber），今年3月尾再誕細女「Sir Face 2.0」Beryl。梁諾妍平日不時在社交平台分享一家人的生活點滴，但自上周貼出「Sir Face 2.0」與老公洪永城童年的餅印相後就一直沒有更新IG，直到今日（5月9日）才在IG Story親解「失蹤」原因，指因為疏於泵奶，導致患乳腺炎，更連日發高燒要入院。

細女「Sir Face 2.0」Beryl於3月尾出世。

兩姊妹一樣樣。

洪永城基因好強大！

熱愛運動跑步的梁諾妍聽取醫生建議在產後六星期才開始嘗試慢跑，近期亦都開始嘗試行山。

但近日卻因為疏於泵奶，導致患乳腺炎，更連日發高燒要入院。

梁諾妍表示：「失蹤咗幾日嘅我終於返嚟，我去咗邊？去咗發高燒」，並透露由星期六（5月4日）晚開始發燒，而是半夜瘋狂發冷、骨痛又超攰，星期日更燒到39.2度，但五合一檢測結果仍呈一線，「諗嚟諗去都唔知點解，直到一位媽媽朋友話係唔係乳腺炎，omg我星期四同五真係太忙有試過2次過咗7個鐘先泵，又因為我量多嘅關係，應該已經塞咗。」

梁諾妍指上星期四同五太忙，曾2次過咗7個鐘先泵奶，而且她量多，所以應該已經塞咗。

梁諾妍又指，右上胸其實早已痛了多日，周日黃昏更因持續高燒不退才去醫院睇急症，「姑娘再幫我探熱已經燒到39.7度誇張，醫生睇完右胸又脹又腫又紅又咁高燒，建議我留院3日打抗生素，然後我話我想返屋企，所以當日我抽咗血，睇吓啲菌有冇入血，打咗抗生素針同高燒止痛針。」

雖然醫生建議留院3日打抗生素，但她最後只打了抗生素針同高燒止痛針。

不過，到昨日（5月6日）病情依然反覆，梁諾妍表示：「我努力做晒我可以做嘅，埋身親餵、2-3個鐘泵一次、準時食藥、休得就休、餵前用熱毛巾敷、餵得用凍椰菜敷、食supplements、食得清淡、飲好多水＋通草etc.」，直到今天終於沒有發燒發冷，但胸部依然又紅又腫又痛，並苦中作樂的表示：「冇發燒我已經覺得打贏咗一半，因為如果太嚴重要用針抽膿／做手術開開個乳頭放膿，omg希望冇呢一日。」

梁諾妍指如果胸部太嚴重要用針抽膿或做手術。

之後，梁諾妍又貼出在醫院自拍，並照寄語各位媽媽：「各位媽媽千祈唔好好似我咁，辛苦到唔多識形容，個胸都痛到唔識形容。過來人建議：有得親餵就餵，餵完最好再泵清佢，泵都唔好過4-5個鐘，真係會好易塞，定時要按摩，吃都要吃得清淡嘟啲（我肯定係星期四食完糯米出事）。」

梁諾妍以過來人的經歷寄語各位媽媽。