莫非好事近?
46歲馬國明與33歲湯洛雯公開認愛,贏盡掌聲支持。湯洛雯純情專一,衣食住行「貼地」慳家,背後有個投資有道的軍師(湯爸爸)傳授她買樓保值的秘技,深得男友和未來奶奶歡心!
據了解,日前二人被傳媒拍到馬明同靚湯在淺水灣拍拖,並在地產舖不停研究樓盤,靚湯對該區億元豪宅似特別有興趣,馬明亦細心跟女友共同商量二人未來愛巢。
去年尾,靚湯以4,581萬購入馬鞍山雲海別墅的Lily Avenue,選擇了5年長成交期付款方法,靚湯購入的單位實用面積2,161呎,另加549呎的花園及車位,雖然是以自己的名義持有,但她決定和家人一齊住,眼光獨到的她,相隔半年單位已升價至4,800萬,帳面獲利219萬元。
對於早前被蕭正楠稱為「馬生馬太」,靚湯稱不會閃婚,雖然未有打算,但拍拖時一定有討論,還笑道:「當初拍拖都講過以結婚為前題,仲幾歲呀,不會想玩了,大家不要拎我來玩啦,哈哈!」另外問到父母可有讚馬明?靚湯笑言:「正常的,雖然不會講出口,但點都會想我的對象可以有進步空間。」