阿爺怕CY唔敢使錢

特首CY在施政報告大灑200億，報館老總們在吹風會中追問CY錢從何來，CY答謂要多搵多使。

你知香港有好多北方來客在此地收風，不少人向他們查問，阿爺會唔會唔高興CY派咁多錢扶貧架，北方來客答得妙:「阿爺怕阿哥(指CY)不敢使錢。」

聽完呢個答案真使人頭腦中「叮」一聲，答案可堪玩味。今年將有政制大戰，互搶民意，CY唔派番多少無乜子彈。睇遠少少，2017年有可能玩普選，無論真普選也好，假普選也好，都係普選，最後要過市民一關。無論阿爺到時支持CY選也好，支持YC選也好，都要市民投一票。乜大家以為唔搞民粹主義，唔向窮人大派福利，特首可以普選成功?

這件事令人諗起90年代初彭定康初來香港做港督時的故事，佢去到港督府返工，召咗布政司和財政司去匯報，聽完財政司講他的問題是「年年有尷尬的盈餘」，肥彭就跌咗落地，佢問：「吓，在香港做財政大臣的問題是年年有意外的盈餘，有錢無處使? 你知唔知我地在英國做政客幾慘，年年赤字，想使都無得使呀? 咁香港的事情好易做啦，就派錢啦。」
                 

中產難免要埋單

肥彭跟著就年年派福利，每次施政報告和財政預算案的主題都是大灑金錢。香港而家攞綜援好過返工的局面，就是由肥彭大力擴展綜援網開始。

香港人要普選，但不論那種派別的政黨，大多數都在搞民粹主義，要派福利給窮人。傳媒也是如此，鬧政府守財奴，剷政府偏向大財團不理窮人，亦在叫政府派錢。到今天CY睇瞓醒啦，開始派啦，正正就朝向那些政黨和傳媒鼓吹的方向去做，而且做得非常大力。你有無留意，平日鬧政府鬧得最大力的政黨，今年施政報告公布後鬧CY都無咁起勁。平日閙政府最出力的傳媒，連施政報告聽晒佢地話大力派錢都無做頭條，用其他新聞做頭，一派「唔幫你做宣傳」的態度。

你可能會話，咁就隊吓CY亂派錢啦。試想如果是蠢人做特首，他可能好似阿爺擔心那樣，「蠢到唔識派」，但即使換個特首，無論是什麼黨派的人，普選當前，你估他會向窮人派多啲還是派少啲呢?

唉，我輩中產，稅就要交足，福利輪唔到，在呢個政制開放的時代，大勢所趨，真係要埋單。以後無論邊個叫你支持佢，睇清楚佢有幾民粹先啦。

盧永雄

全國政協副主席梁振英說，香港的牙醫不能夠與其他地方的牙醫以收費作為競爭，因為香港是一個高成本、高收入的地方，如果以成本作競爭，收入只會越來越低，生活質素亦會越來越差，一定要通過服務質素作出競爭，而牙科服務質素亦與人手有關。

梁振英在香港健齒周啟動儀式上致詞時表示，在人手成本問題上，他認為在輸入在某些領域的人手，如果規定給予同一崗位人員的工資中位數，成本結構不會改變，服務質量不會提升。因此吸引外來人手的同時，是否有必要規定外來人士收入一定要是同一崗位的工資中位數，抑或是訂得比較低對方接受而又符合最低工資水平，這是可以討論。

設計圖片

他表示，香港牙醫既要積極進取，奮發圖強，亦不必妄自菲薄，認為健齒周是好開始，為市民為牙科服務繼續努力。