事主非常憤怒，覺得因開貨Van被「睇唔起」。
疫情下掀起staycation熱潮，酒店為吸客都紛紛推出各式優惠。有網民表示，有一日駕駛一架貨Van到尖沙咀一間人氣酒店食自助餐，請酒店職員幫忙泊車期間，被職員指罵「唔好再揸貨Van嚟，我哋酒店唔泊貨van嘅！」令事主非常憤怒，覺得因開貨Van被「睇唔起」。
設計圖片
有連登網民以在討論區發帖指，和父母訂了座到一間酒店食自助晚餐。他駕駛貨Van到酒店後，讓兩老先下車，然後向酒店職員表示希望幫手泊車。不過職員就對他說，「唔好再揸貨Van嚟，我哋酒店唔泊貨van嘅」，事主當下目瞪口呆，「心諗我做錯咩？我都係來消費食自助餐，唔通我唔係揸泊係門口果部法拉利就要比你咁樣睇小？」
設計圖片
設計圖片
事主又聽到該名職員對同事說，將貨Van泊到一邊，不要讓人見到，令事主非常憤怒，「我自問揸部係歐洲van，個樣又唔差，我得罪咗你間酒店啊？」事後他向酒店投訴，雖然這餐飯是為了幫爸爸慶祝生日，但氣氛全毀。事後酒店經理送了蛋糕希望平息事件，事主指想要的不是蛋糕，而是該名職員的親口道歉，「而個經理就急急腳叫人支援提早收工就諗住結束件事，事後個經理仲好誇張咁作咗個大話，話果個泊車職員個老婆啱啱係醫院生咗個BB要瞓氧氣箱......究竟呢一間酒店公關發生咗咩事？」
設計圖片
對於事主所發生的事件，不少網友都感同身受，有人指出這些酒店職員大多數都「狗眼看人低」，亦有網友分析指出，其實這類泊車職員很大機會是兼職員工，所以他們的質素都會比較參差，不過也有人認為職員未必針對事主，又指不能泊輕型貨車是酒店業約定俗成的規定。
街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。
(FB圖片）
連鎖快餐店內疑有人開班教畫畫
該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。
圖片來源：大快活官網
年青人點餐消費，用餐後繼畫畫
樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。
示意圖。設計圖片
網民批評無公德心
帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。
（FB截圖）
網民估計另有原因
亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」
帖文來源：Facebook群組「啟德居民自由講」
