姚煒透露其中一場戲NG多次後,令導演忍無可忍。
姚煒、林德信、張艾嘉、曾江及太太焦姣等,今日一起出席楊凡執導的動畫電影《繼園臺七號》首映,姚煒笑稱:「這次願意聲演是畀面相識了40年的導演,最初我收到聲演是一位京劇家,讓我想像自己是飾演一個美人,怎料原來卻是聲演一個男人。」她還透露其中一場NG多次後,令導演也忍無可忍,最後姚煒發覺要投入角色才演到,連導演也說:「這就是對的。」
此外,林德信表示妹妹這周隨時生產,因疫情他不能飛到美國看外甥出世,問到可有準備禮物給外甥?林德信尷尬表示:「還未。」
娛圈事
姚煒透露其中一場戲NG多次後,令導演忍無可忍。
姚煒、林德信、張艾嘉、曾江及太太焦姣等,今日一起出席楊凡執導的動畫電影《繼園臺七號》首映,姚煒笑稱:「這次願意聲演是畀面相識了40年的導演,最初我收到聲演是一位京劇家,讓我想像自己是飾演一個美人,怎料原來卻是聲演一個男人。」她還透露其中一場NG多次後,令導演也忍無可忍,最後姚煒發覺要投入角色才演到,連導演也說:「這就是對的。」
此外,林德信表示妹妹這周隨時生產,因疫情他不能飛到美國看外甥出世,問到可有準備禮物給外甥?林德信尷尬表示:「還未。」
林德信透露見到哥哥同妹妹生完小朋友好似好開心、好Sweet,所以都想生BB。
林德信(Alex)與孫曉賢(Kendy)日前出席酒吧騷「Singleton Sip or Speak」,二人一早到場綵排,仲彈結他Jam歌,好快全場氣氛高漲大合唱!Alex就話二人同年出道,當年更同屬一間唱片公司,笑言呢次音樂演出似「重聚」,「其實我同Kendy都鍾意飲嘅,所以次次見面都會飲翻杯,有一次酒吧撞到佢,諗住飲杯聚吓就算,點知突然落大雨走唔到,睇嚟都似個天要我地聚多一陣。」
剛剛完成婚禮的Alex剛渡蜜月回港,佢就話呢次唔算「Honey Moon」,因為全家都參與其中,忙於打點無閒「造人」:「好多年都冇成家人去旅行,呢啲機會要好好享受吓,哥哥同妹妹幾年冇見面,連姨甥都係第一次見面咋!見佢地生完小朋友好似好開心、好Sweet想生BB,長輩都冇催我吧,生仔生女都冇咩所謂。」
Alex就話希望來年想搞個人騷,Kendy反建議對方搞音樂節,將音樂、瑜珈、茶道大結合,Alex即席邀對方參與:「『造人』、『搞騷』唔怕一齊嚟嘅,呢啲係自己嘅挑戰,可以同步進行,可能半夜返去幫手餵奶,之後朝早再出去唱歌。」
雖然蜜月與親友同行,Kendy亦有參加,笑言Alex朋友「夠搞笑」,「佢有個法國朋友,突然用廣東話唱『少林功夫好』,真係全場都好surprise。(合眼緣叫Alex介紹?)人地有家室喇,唔好搞呢啲嘢。佢嘅Wedding真係好正,我聽到佢話想要小朋友都幾Surprise,我突然覺得佢有外父相。」
而Kendy剛從日本回港,完成當地兩場音樂會,「見到有好多香港人專程嚟聽,佢地好掛住廣東歌。我都寫咗篇日文嘅謝詞,以為會好緊張,點知講講吓都喊晒。今次見到當地好多美男子,不過就冇艷遇,希望下次去再開騷時,帶埋艷遇返香港就幸福啦!」