深水埗770元腸粉團被指搵笨 導遊發長文解畫獲力撐

該團以往主要接待來自歐美、澳洲、中東、印度、日韓的旅客

政府放寬本地團人數限制，各式各樣的旅行團陸續活躍起來，日前有傳媒報道旅發局推薦的深水埗美食團索價770港元，質疑是「搵笨」，更派人實地測試200多港元已經可以光顧6間店還包括手信。負責該個帶旅客食腸粉的美食團導遊在網上發文反駁，表明團隊的「貴」在於社區深度遊，3個半小時內了解香港「作為一般旅客無法認識的一面」，獲過千名網民讚好支持。

旅發局推介深水埗腸粉團成人每位索價770元。資料圖片

facebook專頁「尼泊爾人妻．喜馬拉亞餃子」今日撰文，稱她就是負責該本地美食團的導遊，透露該團已經有8年歷史，她入職帶團4年來接待過來自歐美、澳洲、中東、印度、日本、南韓的旅客。至於港人，「10隻手指數曬。通常係因為工作，幫公司搵活動畀外國同事玩。所以香港人見到呢個腸粉團，一定感到匪夷所思」她直指，在旅遊旺季時她一星期要帶5團，其他導遊都要密密接團。

深水埗街頭面貌。資料圖片

她表明，「如果你對美食團的認知，只係流於食完間餐廳打完卡就走。咁個團真係好貴。自己Google搵餐廳去食就夠了。」

對外國人而言，如果冇人帶住，無辦法跟深水埗一批中老年夥計落單。「餐牌全中文? 餐牌咁多野食要Or啲er邊樣呢? 其實腸粉應該點食呢? 啲醬係咩嚟架? 呢撇混醬加澱粉點解會俘虜咗咁多港人嘅心?」她質疑，「你可以話所有嘢問Google都會有答案。但Google應該答唔到一個旅客，呢間舖頭嘅煮食秘方；老闆打拼咗幾十年嘅歷史；啲姐姐做咗十幾年對食客嘅感情」。

導遊會帶外國人逛街市及講解亞洲人飲食文化。資料圖片

她又舉例，走在深水埗街上會睇到多老人、草根，但旅客不會知道他們住劏房、居住環境多麽惡劣、劏房租金等等。她特別提到帶旅客行街市，「旅客見到一條條活生生嘅魚即場劏完仲識郁，一堆血淋淋的生豬吊喺路邊成街咸魚加奇異海味。個班外國人嘅驚嚇反應每每令我笑得很爽。笑完後，就要解釋香港的街市文化。點解食物處理上，亞洲人同西方人分別咁大; 食物除咗味道以外，中國人仲有食療。我地食嘅寶品，湯水，係多年嘅民間智慧，大部份亦有科學根據。另外，次次都要重申香港人唔食蝙蝠同狗肉的」。

導遊會帶外國人逛街市及講解亞洲人飲食文化。資料圖片

她認為，「如果冇人帶住班旅客，佢地只會O咀影相，返去同朋友講 『Hong Kong market is so dirty and scary』（香港街市是多麽骯髒及可怕）」她形容，她的工作是旅客同香港之間的語言及文化橋樑，很多旅客來香港只是短短3至4日。外國人甚至不是來香港玩，只是公幹或開會，難得周末不用工作，用3個半小時精華遊香港地道美食及深入了解一般市民或草根階層的生活。不是去山頂或主題公園，而是真切地去了解一個城市的面貌。

她解釋，「請問有幾多人去到全世界都搵到一位本地朋友，有時間，有語言能力，對社區文化，美食，歷史都有認知同研究，同你玩半日社區美食深度遊呢？...每日我嘅工作就係識世界各地的新朋友，分享我對香港嘅認識同愛。」

導遊強調3個半小時是以本地人角度深度體會社區文化。資料圖片

她自言是一班致力想改變香港旅遊業的導遊，令旅遊業離開鴨仔團或購物團模式。因為疫情港人才開始本地遊，「對於純想食深水埗美食嘅香港朋友，呢個團緊係唔洗報啦」。她希望「大家笑完$770蚊可以食幾多碟腸粉後，支持一下我地一班愛香港，愛推動旅遊業的新型導遊」。

街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。

(FB圖片）

連鎖快餐店內疑有人開班教畫畫

該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。

圖片來源：大快活官網

年青人點餐消費，用餐後繼畫畫

樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。

示意圖。設計圖片

網民批評無公德心

帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。

（FB截圖）

網民估計另有原因

亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」

帖文來源：Facebook群組「啟德居民自由講」