社會事
報販收到的一張內地銀行的「練功劵」
500元港幣。資料圖片
年近歲晚要小心騙徒，Facebook專頁「全港報販大聯盟」昨日指，近日有報紙檔收到500蚊假銀紙，該銀紙是內地銀行的「練功劵」，他指「練功劵」同真銀紙有8成似，質地亦相似，是內地銀行讓員工練習數銀紙時用，但會印有「票樣、練功專用、禁止流通」的字樣。
「練功劵」印有練功專用字樣。全港報販大聯盟FB圖片
專頁提醒同業要小心，又批評騙子「『有心人裝無心人』，有時啲人摺住畀埋嚟就係搏你睇唔到。」，擔心一個人睇檔時，分身不暇就會出事，苦嘆「一張假銀紙咁就兩日白做，真係想追都追唔返！」。
「練功劵」上的字樣被塗改液遮蔽。全港報販大聯盟FB圖片
專頁提醒其他人，「行使」抑或「保管或控制偽製紙幣」都屬犯法，即使不幸收到，「都千祈唔好諗住洗咗佢就當唔知！」籲一定要報警處理。
「練功劵」印有練功專用字樣。全港報販大聯盟FB圖片
有網民感謝其提點，指「大家唯有小心啲」，又有網民質疑為何「大陸銀行用嚟訓練係用道具港幣，唔係用道具人民幣？」。
港女因感染新冠病毒，到堅尼地城一診所求醫，卻遭醫生以一原因拒諸門外，港女心感被歧視「第一次覺得患病係錯」。
《再見枕邊人》劇照
港女感染新冠求診 慘被醫生拒諸門外
該港女於facebook群組「西環變幻時」發文，表示日前因感感染新冠病毒，而到堅尼地城某診所求醫，豈料當醫生得悉她感染了新冠病毒後，便立即拒絕讓她進入診所，並要求她離開「你唔能夠入嚟診所」。樓主呆了一下，然後問：「咁我去邊？」醫生竟話「你出返去，我唔想被你傳染，我聽日開始放長假，亦都唔想你傳染診所既病人，你依架離開診所，我電話應診」。
示意圖
醫生以電話應診 要求親友代取藥
樓主於是低著頭走出診所，站在離診所門口約五、六步的地方等待，幾分鐘後，醫生打電話來詢問她的情況，並告訴她10分鐘後可以進入診所取藥，但醫生希望樓主本人不要進去，讓她找一個沒有感染病毒的人幫忙取藥，樓主心感無奈「我臨時臨急搵邊個幫我取藥？我唔係傷殘，點解我唔可以自己取藥？點解取藥我要搵人幫？」
AP圖片
事主感被醫生姑娘歧視
樓主一時之間難找親友代為取藥，於是10分鐘過後又「膽粗粗」步入診所。櫃檯姑娘則對她指著牆上的一張紙，上面大致寫著「快測兩條線要告知診所職員」。樓主心中頓時吶喊「天呀！我冇隱瞞，冇需要隱瞞，如果我入診所有留意到呢張紙，我一定會申報，反正我嚟求診就係睇covid」。
Getty示意圖
患病港女：我第一次覺得患病係錯
樓主感到極度冤枉，她指自己戴著高防護力的KF94口罩，並注意到診所內已經有許多防護措施，包括醫生和職員戴口罩、櫃檯有屏障隔離等，認為自己已經盡力做好防護，不應該受到歧視「我咁大個人，第一次被人罰企，被醫生罰企」、「如果你作為醫生唔想睇某類病人，我唔會怪你，不過你真係要諗下你適唔適合做醫生？」、「嚟睇醫生既病人，十不離八九都係有傳染性啦，點解淨係要歧視新冠病人？我第一次覺得患病係錯」。
unsplash圖片
帖文來源：facebook群組「西環變幻時」
