現場好歡樂~
疫情緩和,由范振鋒監製,鄭伊健、任賢齊(小齊)、潘燦良、談善言及張達明等主演,將安排賀歲檔上映的溫馨勵志電影《大Project》馬上趕工。等了成年終於有工開,就連好友錢國偉剛逝世的鄭伊健都難得有笑容,開心同談善言對戲,而小齊就在片場度表演企起身揸電單車,現場瀰漫一片歡愉。
點擊看圖輯
電影故事來自新導演沈錫然的親身經歷,伊健、小齊飾演由細玩到大的好朋友,兩人合作開洗碗工場,聘請弱勢人士,但又從中瞞騙政府社會福利補助,最後當然改邪歸正,笑中有淚。伊健自三年前拍完《黃金兄弟》後已再無開戲,他表示好掛住開工飯盒!小齊同相熟劇組並肩作戰就相當興奮,日前兩人拍洗碗工場景,小齊穿著T-shirt短褲配白色水靴,同「南亞裔四大天王」駕駛電單車,跑住去送貨;伊健就同談善言拍表錯情的曖昧文戲。
呢張伊健、小齊及「南亞裔四大天王」大合照,由鄭伊健精心為本報設計同安排,唔該晒呀Sky哥哥。
當日伊健心情唔錯,南亞裔演員要求跟他及小齊影合照都有求必應。
伊健主動跟女主角談善言對戲,還提供唔少意見,談善言話獲益良多。
老友錢國偉上月底不敵癌魔「走先」,伊健雖然心情低落,但當日伊健情緒平伏番唔少,心情看上去不錯,主動跟導演及談善言對戲及排走位,笑着提供了不少意見,相當專業。伊健還貼心地為本報構思獨家相位,跟小齊騎住電單車,同「南亞裔四大天王」演員來個有型合照,伊健禮讓地跟小齊說:「我坐架細,你坐部大喇!」小齊即話:「冇所謂!」伊健零架子,影完相後還禮貌對住大家說:「唔該晒咁多位手足!」跟住用烏都語(巴基斯坦話)跟「南亞裔四大天王」講:「shukriya(謝謝)。」有工開,有精神寄托,伊健成個人生猛晒。
片中兩人係壞人,合作開洗碗工場,仲要呃社會福利補助,最後改邪歸正。
小齊超愛揸車,片中要他揸電單車送貨,小齊寓工作於娛樂,開車前興奮到扭身扭勢,乘機踩多兩個圈,臨尾加演企起身開車、坐喺度伸起雙腳揸車嚟自娛。片中小齊是洗碗工場老闆,加上有洗碗機,不用親自洗碗,但自爆有日壞機要用手洗,還要拍足一日,洗到雙手皺晒皮。
對於做洗碗工,小齊一點都陌生,更自爆有個慘痛經歷:「大學時喺餐廳洗過碗,我鍾意食嘢,97年前開咗間泰國餐廳,生意好時都要幫手,由堂前、侍應、廚房做到洗碗碟工,好辛苦,做洗碗工好重覆,單調啲,做到嘅人真係唔容易。」小齊話當年洗碗洗得好落力,「洗得唔乾淨會影響生意,嗰時未係好紅,當係副業,諗住有嘢做都幾開心呀,但後嚟紅咗冇時間打理,結果執笠。」
新片《大Project》由范振鋒監製,阿范離開TVB後仍有唔錯出路。
伊健有份負擔錢國偉醫藥費,有情有義。
伊健自三年前拍完《黃金兄弟》之後經已冇開戲!
電影故事來自新導演沈錫然的親身經歷,伊健、小齊飾演由細玩到大的好朋友,兩人合作開洗碗工場,聘請弱勢人士,但又從中瞞騙政府社會福利補助,最後當然改邪歸正,笑中有淚。伊健自三年前拍完《黃金兄弟》後已再無開戲,他表示好掛住開工飯盒!小齊同相熟劇組並肩作戰就相當興奮,日前兩人拍洗碗工場景,小齊穿著T-shirt短褲配白色水靴,同「南亞裔四大天王」駕駛電單車,跑住去送貨;伊健就同談善言拍表錯情的曖昧文戲。
疫情下有工開,伊健暫且忘記故友離世傷痛,終於有笑容。
呢張伊健、小齊及「南亞裔四大天王」大合照,由鄭伊健精心為本報設計同安排,唔該晒呀Sky哥哥。
當日伊健心情唔錯,南亞裔演員要求跟他及小齊影合照都有求必應。
伊健主動跟女主角談善言對戲,還提供唔少意見,談善言話獲益良多。
老友錢國偉上月底不敵癌魔「走先」,伊健雖然心情低落,但當日伊健情緒平伏番唔少,心情看上去不錯,主動跟導演及談善言對戲及排走位,笑着提供了不少意見,相當專業。伊健還貼心地為本報構思獨家相位,跟小齊騎住電單車,同「南亞裔四大天王」演員來個有型合照,伊健禮讓地跟小齊說:「我坐架細,你坐部大喇!」小齊即話:「冇所謂!」伊健零架子,影完相後還禮貌對住大家說:「唔該晒咁多位手足!」跟住用烏都語(巴基斯坦話)跟「南亞裔四大天王」講:「shukriya(謝謝)。」有工開,有精神寄托,伊健成個人生猛晒。
今次係小齊邀請伊健合作演出,戲內戲外兩人都係好兄弟。
片中兩人係壞人,合作開洗碗工場,仲要呃社會福利補助,最後改邪歸正。
小齊超愛揸車,片中要他揸電單車送貨,小齊寓工作於娛樂,開車前興奮到扭身扭勢,乘機踩多兩個圈,臨尾加演企起身開車、坐喺度伸起雙腳揸車嚟自娛。片中小齊是洗碗工場老闆,加上有洗碗機,不用親自洗碗,但自爆有日壞機要用手洗,還要拍足一日,洗到雙手皺晒皮。
任賢齊喺鏡頭以外,表演企起身駕駛電單車嚟自娛。
對於做洗碗工,小齊一點都陌生,更自爆有個慘痛經歷:「大學時喺餐廳洗過碗,我鍾意食嘢,97年前開咗間泰國餐廳,生意好時都要幫手,由堂前、侍應、廚房做到洗碗碟工,好辛苦,做洗碗工好重覆,單調啲,做到嘅人真係唔容易。」小齊話當年洗碗洗得好落力,「洗得唔乾淨會影響生意,嗰時未係好紅,當係副業,諗住有嘢做都幾開心呀,但後嚟紅咗冇時間打理,結果執笠。」
小齊要拍一場跑去送貨嘅場口,當日天氣回暖,跑到身水身汗。
小齊強調之後無再開食肆,因為他太好客,「所有朋友去食嘢都搵我,由我埋單所以賺唔到錢,每個月會計都打畀我話要補錢填數,經此一役,啟發到我做生意同交朋友要分開。依家作為大岳娛樂老闆慶幸有錢賺,我會同藝人講明,投資一個演唱會未必即時賺到錢,但要做好口碑,將個人提升,藝術同經營生意要取到一個平衡,但我會先選擇藝術行先,要留畀人有刻骨銘心嘅作品。」
炎明熹一連三場演唱會圓滿結束!
一連三場《大家樂呈獻:炎明熹Gi-FORCE演唱會2024》,昨晚(4月14日)在九龍灣國際展貿中心舉行尾場,亦是去年十月因颱風關係,而取消的補場場次。是晚獲陳煒與丈夫陳國強、姜皓文、陳山聰與囝囝陳霆軒、李幸倪到場支持。
《炎明熹Gi-FORCE演唱會2024》來到尾場。
陳煒、陳山聰、姜皓文到場支持。
來到第三場,Gigi依然狀態大勇,又唱又跳表現落力,不過這晚的後空翻動作發生了一個小插曲,正當Gigi完成空翻動作落地時,可能用力太猛,最終Gigi被衛衣的帽「兜頭笠」,完全遮擋了視線,只見Gigi先露出既可愛又尷尬的笑容,之後秒速整理衣服繼續又跳又唱,緩解了這個蝦碌場面。
Gigi表演後空翻。
落地時可能用力太猛,最終Gigi被衛衣的帽「兜頭笠」。
除了唱自己的歌,當然少不了Gigi的「自選歌單」,當中有王菲的《守望麥田》、Serrini的《網絡安全隱患》、及陶喆的《流沙》等,Gigi笑指這張歌單由逾200首歌精心挑選,她又說:「大家知唔知呢場係補場呢?想問吓嗰時(取消)大家有冇失望?」台下即大叫「冇」,Gigi笑住讚歌迷思想正面。
Gigi笑指「自選歌單」由逾200首歌精心挑選。
在過去三場演唱會擔任Gigi音樂團隊成員的林智樂(Felix),來到尾場按捺不住,要在台上公開力讚Gigi,除了唱功了得,抗壓能力亦很強悍:「雖然有好多人讚佢,但有時都有啲好尖銳嘅留言,但佢都冇嘢,更重要係由我啱啱識佢到而家,佢個初心都冇變,對每個人都好好。有時記者朋友問我會唔會羨慕Gigi嘅事業,我覺得唔係羨唔羨慕,而係佢真係好值得擁有!」身旁的Gigi即感動表示,很少聽對方如此認真說話,並感謝對方為自己唱足三晚。
接着,Gigi獻唱《星語心願》,唱到最後那句「讓你知道我愛你」,台下即熱情回應「我都好愛你呀」。她表示小時候看電影《星願》,已經很喜歡電影的男主角,Gigi隨後唱出《對面的女孩看過來》,任賢齊(小齊)此時突然現身合唱,讓樂迷大為驚喜,更全場大合唱為演唱會掀起高潮。唱畢,Gigi說:「畀啲掌聲任前輩。」小齊謙虛感謝Gigi畀機會自己做嘉賓:「 因為我成間公司所有同事都好鍾意Gigi。噚日我喺新加坡做完演唱會返嚟,我啲夥計全部唔見晒,個個都嚟睇你,仲要一張飛都冇留畀我!同事們,聽住,聽日返工唔使咁早,好好享受今晚Gigi嘅演唱會。」他又笑謂Gigi與自己的女兒同一年出世,小齊搞笑說:「人多嘅時候叫我小齊哥,唔好叫Uncle呀。」
任賢齊驚喜現身。
小齊謙虛感謝Gigi畀機會自己做嘉賓。
之後,Gigi送上繡有小齊名字的水樽:「我知你5月份開巡迴演唱會,所以我揀咗呢個,識自己煲水嘅水樽,呢個可以直接煲水,非常方便,我都繡咗你個名喺度。」小齊自嘲年輕的時候仍會飲凍飲:「漸漸就用咗暖水壺啦,好多謝你。我真係成間公司都講,佢係未來嘅天后,希望大家都畀多啲機會Gigi。」最後小齊再為樂迷送上《我是一隻魚》,全場跟著和唱。
小齊讚Gigi是未來的天后。
除了嘉賓夠份量,這晚的驚喜同樣一浪接一浪,開騷前大批歌迷要求Gigi唱出MV在YouTube短短4天破百萬點擊的新歌《還有一艘救生艙》,收到大家的訴求後,Gigi特意於補場上送予歌迷,但卻一時感觸唱到喊,幾乎大半首歌要台下歌迷代唱,Gigi說:「我覺得我又代入咗首歌裡面,但唔係愛情,今日係最後一場演唱會,即係今日係最後嘅一次,然後大家要遠離我嘅感覺。點解今晚先揀呢首歌嚟唱?因為我想送呢首歌畀補場嘅大家,但係我真係冇用,成首都唱唔到,要大家幫我,我下次會唱好佢㗎。」台下再次大叫「加油」,為哭成淚人的Gigi打氣。
Gigi特意獻唱新歌《還有一艘救生艙》給予今場補場的歌迷。
感觸落淚。
Encore部份,Gigi特別為尾場的樂迷獻唱《你是你本身的傳奇》,坦言台下每位歌迷都是一個傳奇,一起成就了她的歌手夢,Gigi再一次落淚,對於這個人生第一個演唱會舞台、還有台下的觀眾,充滿不捨之情;唱到演唱會最後一首歌《Only For Me》,Gigi叫大家高舉手機燈和唱,望向這遍燈海,Gigi的淚水再一次滑落,令《大家樂呈獻:炎明熹Gi-FORCE演唱會2024》,在淚水與不捨之情下,感動落幕。
全場大合照。