肥媽有懂事愛犬陪伴左右 踢走抑鬱心情轉好

狗狗係人類最好的朋友

和肥媽（Maria Cordero）結婚21年的第二任丈夫Rick本月5日肺癌病逝，肥媽帶著哀痛承諾會繼續在社交網出Post，肥媽日前在社交網拍片講老公病逝一事亦忍不住落淚，她沉澱心情後，昨天身穿沉色衫褲，上載和愛犬互動短片，片中見肥媽為愛犬清潔毛毛，心情明顯有好轉，猛讚愛犬乖乖，又話夠鐘整骨頭畀佢哋食，幾隻狗狗更撲住去嘴她，跟出跟入。肥媽又指生前老公最錫的Barney日日伏在度冇晒心機，皺晒眉頭好陰功...

肥媽和老公相愛20多年，老公離逝一吓子難以平伏心情。

肥媽寫道：「依(𠵱)幾日開始出下(吓)去，身邊的朋友都約我出下(吓)街，去行下(吓)山。留係(喺)屋企個(嗰)陣，狗狗們都會過晒嚟陪我，依(𠵱)段時間好彩有佢地(哋)，佢地(哋)好似咩都知道咁，我一行出花園，佢地(哋)就會係訓(瞓)晒係(喺)我格(隔)離。

老公生前最疼錫的愛犬鬱鬱不歡。

肥媽為愛犬清潔毛髮，打理幾隻狗狗，算有精神寄托。

肥媽狗狗好懂事，成日跟住肥媽出出入入。

肥媽日前仍然喊住講亡夫，情緒低落，還幸現現在情緒稍為平靜了一點。

有愛犬陪伴，喪偶肥媽心情轉好。

其實真係多謝大家，我知道唔應該講多謝，但係除了多謝，我唔識講咩說話表達，好感恩有大家，大家真係好有心另外，都想同大家講我老公將會係(喺)17號設靈，18號出殯，等完左(咗)老公身後事，到時Live再見大家。」

「樂壇風紀」甄妮今次講咁多嘢，似乎幾㷫喎！

有「樂壇風紀」之稱的甄妮，早前發文為《 #中年好聲音2 》的譚輝智抱不平，狠批奪冠的古淖文 「油膩誇張」，事件引來節目其中兩名評審周國豐和伍仲衡回應。

甄妮向伍仲衡及肥媽開火。

二人日前做網上節目時，伍仲衡突然突然撩周國豐講八卦：「講啲cheesy（俗）啲嘅嘢，有人攻擊我哋節目《中年好聲音》。」周國豐表示：「嗰個都係我好尊敬嘅前輩嚟。」及後伍仲衡就爆料：「我聽好多佢啲嘢……唔找數嗰啲，真係呀，好多Friend同佢做過嘢，你都知我識幾多人做演唱會啦，個個都識咁滯，同佢做過好多騷，我啲friend唔會呃我。」周國豐就好謹慎，指指控好嚴重：「我又未聽過呢樣嘢。」伍仲衡有點激動說：「咁佢唔會唔找畀你吖嘛！同佢做完演唱會啲人收唔到錢嘛，我聽咗十幾廿年。」

伍仲衡指有朋友跟「某人」做騷後，疑發生唔找數事件。

伍sir續指行內好多人講「攻擊者」壞話，指對方風評好差！

甄妮日前又再在社交平台出post：「邊個出聲，邊個就係衰人。RAPE DRUG. RUDES.HAMEFUL.SHOUTING HIDING DRUGS。No MANNERS.（強暴、毒品、粗魯、可恥、大喊、大叫、藏毒、冇家教）全部都該「LIT IIT GO ｣ （由得佢）是這樣嗎？」之後佢再點名「阿伍」留言：「阿伍不對的事情，反覆炒作繼續加油添醋，一把年紀了仍分不清「對錯」唉！駡都懶得駡你了！套一句『流量比較重要』你的廢龍要打屁屁了。」

甄妮開Po反擊。

甄妮更火燒另一評判肥媽：「只有一次交集：瑪莉亞小姐向我借耳環上秀，結果有去無回大丈夫🤣🤣人品如何請仔細想想🤔別懶，有証人🤣🤣也不用還了，送你慢慢用吧！🤣🤣」然後又謂：「既被諷為風紀，粗重嘢就交給我做吧！那個台該看，那個台不該看，我會向大家報告！你們都去忙吧！🤣🤣🤣🤣🤣🤣不用客氣😇」。

燒埋肥媽借嘢唔還。

甄妮留言。

她意猶未盡再說：「自古以來，尊師重道是基本準則，怎麼到了媒圈就變成罪悪？好 好 好 隨你們吧！小心迴力鏢🤣」、「有意見的人，是不是封面講的項目，也有你的份？？要不然眛著良心，拼命的顛倒是非拼命維護，我不得不懷疑嗯．．．．🤔算了算了😐教不好的🤣🤣🤣」。「現在天氣晴朗 快點再去通陰溝囉！」最終她忍不住反駁：「阿伍台把不正確的舊新聞，反覆炒作繼續加油添醋，一把年紀了仍分不清『對錯』。唉！講都懶得講你了！套一句『流量比較重要』🤣🤣🤣你的廢龍要打屁屁了🤣🤣🤣。」、「父母教100句好，不及『偶像』講半句，公衆人物的影響力不可言喻！」、「等你做父母時體會吧！」。

甄妮火燒另一評判肥媽！