市民最關心都係健康問題。
香港開電視全新風水玄學節目《搵陣》將於本周日(22)晚上十一時隆重首播，節目由著名堪輿學家蘇民峰師傅聯同黃芳雯(Paula)主持，一同走訪名人家居，教大家識別風水陷阱，並指點出破解方法，達至催吉避凶的效果。
蘇民峰師傅和黃芳雯 (本網記者攝)
蘇師傅今日出席傳媒活動時，被問到嘉賓有何奇難雜症要化解，他表示，大家關心的是病情同收入，主要是財運和身體兩方面。拍檔Paula表示自己最關心是健康問題，「因為一家大細，小朋友方面文昌都好緊要，同埋想老公搵到錢之餘又唔洗咁辛苦。」
蘇民峰師傅和黃芳雯 (本網記者攝)
今年全球疫情嚴重，不少市民都關心明年健康運勢，蘇師傅提醒，每年都有病位，2021年大病位則在東南位，「大門、廚房或者睡床位置在東南位就要特別小心，因為大病位不利肺、喉嚨等呼吸系統，就一定要化解，化解東南位方法靠金屬、發聲物件，例如大門掛個舊鎖匙，再擺一個音樂盒。第二個小病位在正北，正北係講腹部，所以如果講喉嚨疾病就要針對2021年嘅東南位。」
蘇民峰師傅 (本網記者攝)
受疫情影響，蘇師傅笑言無得外遊令自己變得懶散。「完全無興趣想做，連寫書都唔想寫，因為平時去完旅行返嚟都會勤力啲，但今年全年都留喺香港唔知幾時放假定唔放假，反而仲懶過成日放假嘅時候，冇乜動力。」
黃芳雯 (本網記者攝)
蘇師傅亦預測明年全球運勢會轉好，「一定會好啲，因為個疫情唔會消失，但起碼明年好多國家生產疫苗，有疫苗或者有藥去醫的話，咁全個世界都會好啲，唔洗用風水去計，用推測去計。」
陳若思同黃嘉雯學有所成。
由蘇民峰拍住4位J2ers倪嘉雯(Carmen)、陳若思（Amber）、黃嘉雯(Carmaney)同陳國麟(Doniven)主持的《開壇》今晚（19日）11點在J2播出第79集最後一集。蘇師傅於節目中開班教授風水命理，4位J2ers經過一季學習及考試，各人終於學有所成。
今晚（19日）將播出最後一集《開壇》。
（左起）Carmaney、Doniven、Carmen及Amber跟蘇師傅學藝。
蘇師傅螢幕上傳授玄學知識。
Amber被蘇師傅讚最有慧根。
今晚（19日）播出最後一集《開壇》，四位主持倪嘉雯(Carmen)、陳若思（Amber）、黃嘉雯(Carmaney)及陳國麟(Doniven)在螢幕前詳談感受及一季學習風水八字的心得。蘇民峰師傅接受訪問時，點評四位徒弟表現，他表示︰「陳若思最有慧根，仲會買好多書返去自己睇。倪嘉雯都聰明勤力，但太一板一眼，唔係好識觸類旁通。黃嘉雯可能回家唔係好多時間溫書，淨係靠上堂，吸收唔到咁多。陳國麟如果日後想在這行發展，打好基本工最重要。」蘇師傅話日後會有再合作機會，可以構思另類節目，他笑言︰「旅遊、介紹人去玩，我哋都有諗過做。」
四位主持畢業了。
經歷一季艱苦學習，四人終有小成。
Amber早在參加J2綜藝節目《我要瞓鬥》時，已展現過驚人記憶力，今趟再被蘇師傅點名稱讚，她有點受寵若驚表示︰「好多朋友知道我跟（蘇）師傅學風水八字之後，都搵我睇，好多人都話好準，所以我好開心同埋自豪，啲朋友仲叫我開檔，不過我唔會，驚畀人鬧。」Amber透露從蘇師傅身上，不單止學到風水玄學知識，更學曉做人道理，希望最終能正式拜入蘇師傅門下，她認真的說︰「每次考試我都好努力溫書，希望師傅覺得我有天份，係可造之才收我為徒弟，我要將佢蘇派風水發揚光大。」Amber又爆料話蘇師傅曾講過，同姓陳的人特別有緣份，自己同Doniven符合資格，師傅可以認真考慮收為徒。
Doniven跟Amber成績較好。
Amber有意拜蘇師傅為師，學習風水命理。
此外，Carmaney直言今趟最大得着是學曉相人，她興奮表示︰「新相識一個人，可以即刻check佢性格、隱藏性格有乜嘢壞啦。特別係識男仔，睇八字就知佢係咪好人。」
Amber出埠拍攝《港女野人》海外篇。
Carmaney話學曉八字，可以助自己相人。
