屋企娛樂組主管 陳國坤由零開始陪囝囝學琴

小龍話囝囝見到他好開心！

陳國坤、敖嘉年昨晚出席電影《拳道》首映禮。小龍返港忙湊仔，敖嘉年拍緊無綫新劇《欺詐劇團》。

陳國坤、敖嘉年同樣練得一身好武功。

陳國坤（小龍）、敖嘉年、郭奕芯等昨晚（23日）出席電影《拳道》首映禮，小龍笑謂最近「失業」，他剛從內地工作完回港，近日才完成隔離檢疫，「我已經4個幾月冇返屋企，因為下個月先要有工作，所以趁有空檔就返嚟。」

小龍係屋企娛樂組主管，最受兒子陳真歡迎。

相對媽咪（黃伊汶）管得兒子好嚴。

陳真相當精靈可愛。

問到囝囝陳真見唔到他幾個月可會不認得他？小龍即否定說，「唔會，化咗灰都認得，佢見到我好開心，因為媽咪（黃伊汶）管得佢好嚴，但我會畀朱古力佢食，又會陪佢玩，比如打雙節棍、踢沙包和練拳，不過媽咪鍾意佢學彈琴，為咗培養佢興趣，我由零開始陪佢一齊學。」

敖嘉年操弗拍劇。

之前跟監製潘嘉德及演員張秀文等同蔣家旻慶生。

敖嘉年則透露，與鄭丹瑞（旦哥）、蔣家旻正拍攝無綫新劇《欺詐劇團》，劇中與蔣家旻有感情線，笑指會叫監製寫多點感情戲去益他。

小龍指《反黑２》因為遇上疫情才延遲了開拍日子！

陳國坤（小龍）今日（4月27日）接受新城《開心大派對》薛家燕、范振鋒、思敏訪問，陳國坤自豪地大曬兒子陳真新相片給三位主持睇，透露兒子不經不覺已經８歲，家燕姐及阿范笑問囝囝是否同媽咪黃伊汶一樣擁有42吋長腿？陳國坤則謂兒子身型都好高及充滿運動細胞。

陳國坤接受新城《開心大派對》薛家燕、范振鋒、思敏訪問。

家燕姐與陳國坤合照。

陳國坤透露網劇《反黑２》正拍攝當中，家燕姐問到新年期間有傳聞《反黑２》資金出現問題停拍？陳國坤否認此事，並解釋：「嗰時因為過年，資金主要國內，遇上過年假期，阻延資金出入，而且需要程序。」他強調資金沒有問題，已經拍了十幾二十組，大家都拍得好開心，今次拍90集，大家拍到不捨得走，並透露今次演員及角色多達120位，而且每個角色都好重要。」

小龍澄清《反黑２》資金出現問題。

透露電影馬上啟動開拍工作！

他在節目中表示《反黑２》因遇上疫情才延遲了開拍日子，疫情過後，馬上啟動開拍工作，他說：「近年香港電影不景氣，希望盡快開拍，俾大家開工，而且依然全部都在香港拍攝。」

左起：思敏、薛家燕、陳國坤、范振鋒

詳細精彩內容，請重溫4月2７日，下午3-4時，新城知訊台《開心大派對》節目 ，重溫網址：https://www.metroradio.com.hk/MetroInfo/