娛圈事
容祖兒快閃開Live宣傳新歌《東京人壽》。
身在內地工作的容祖兒昨晚（25日）進行快閃Live，首度獻唱新歌《東京人壽》，好友蔡卓妍、關智斌、泳兒等均有「入場」，連剛完成第4場紅館騷的張敬軒也有蒲頭。
容祖兒現身在內地工作。
觀看相關影片按以下畫面：
軒仔更以濕髮浴袍Look與祖兒連線，並笑說：「我喺浴室落緊妝呀！」令祖兒不禁發出魔性笑聲說：「好彩你有着衫！Bye Bye！」
軒仔開完騷在廁所落妝都來上線真係唔話得；祖兒又喊又笑果然真性情！
祖兒為遮黑眼圈亂玩Filter。
全程素顏上陣的祖兒，忽然驚覺黑眼圈有點深，即嘗試挑選適合Filter「過濾」素顏，但一系列騎呢Filter令笑料百出！當Fans瘋狂留言表達思念時，令祖兒思鄉病發，感觸落淚，又喊又笑果然真性情！
容祖兒今年首支派台作品《九秒九》今日（4月29日）上架，歌曲由黃偉文與湯令山再度合作。
去年，黃偉文（Wyman）與湯令山（Gareth. T）創作了《緊急聯絡人》，男方將前度名字填在「緊急聯絡人」一欄；今年，故事由祖兒延續，由女方角度呈現出如何徬徨焦躁準備這趟特急行程，可謂是《緊急聯絡人》下集。祖兒透露概念全由Wyman促成，「因為佢係《緊急聯絡人》嘅填詞人，當我俾咗Gareth呢個demo佢嘅時候，佢好快就話俾我聽『不如我哋就寫《緊急聯絡人》嘅下集。』由我作為第一身去講番嗰件事、嗰個感受。」
容祖兒推出今年首支派台作品《九秒九》。
《九秒九》故事由祖兒延續，由女方角度呈現出如何徬徨焦躁準備這趟特急行程，可謂是《緊急聯絡人》下集。
觀看相關影片按連結：https://youtu.be/-faG6EV5G4A?si=eUbytBaC2jMXlyY_
祖兒坦言對於每個階段的樂壇都有自己很欣賞的音樂人，上一個很喜歡的是方大同，近年是Gareth. T，「呢幾年每一次聽湯令山嘅新歌，我都可以無限循環咁樣去聽，無論佢嘅melody同埋演繹，對我嚟講好有feel，所以今次做新碟第一個想合作嘅人就係Gareth，咁就搵佢啦。」
祖兒坦言近年很欣賞的音樂人是Gareth. T。
除了作曲，祖兒亦邀請Gareth. T於MV客串的士司機一角，「佢嘅MV都係佢嘅創作嚟嘅。所以我話：『我今個MV可唔可以邀請你參加呀？你啲MV成日都有你啲朋友，我可唔可以邀請你？』佢話：『ok㗎，我可以㗎。』然之後佢就喺入面飾演一個角色。」
祖兒亦邀請Gareth. T於MV客串的士司機。
今次MV最特別之處是採用一鏡到尾的拍攝手法，面對首次「一shot直落」的祖兒坦言充滿挑戰性，各種的走位細節等，在拍攝前已在祖兒腦海「走」過無限次。另外，又請來著名舞台劇演員、風車草劇團創辦人之一的邵美君導戲，祖兒謂：「有兩個單位我好多謝嘅，第一次合作嘅導演Maggie同埋邵美君老師。好耐之前我已經同邵美君講，『我好想跟你學演戲。』雖然最後冇成事，但今次呢個MV Maggie幫我搵咗美君，我哋一拍即合！喺佢嘅指引底下拍咗呢個MV，個感覺好安全、好有信心，希望大家都會喜歡呢個MV啦。」
今次MV是採用一鏡到尾的拍攝手法。
並請來著名舞台劇演員、風車草劇團創辦人之一的邵美君導戲。
祖兒指在美君的指引底下拍MV，感覺好安全、好有信心。
