林二汶彭秀慧𦧲飯應做《造星III》導師 花姐：睇中佢地易「落搭」

花姐、林二汶同彭秀慧呢個組合都好好睇～

ViuTV《全民造星III》播出以來，除一班參賽者成為話題，導師林二汶和彭秀慧（KP）一樣令人睇得肉緊，原來當日花姐（監製黃慧君）睇中兩人易「落搭」，而她們就笑言是「𦧲飯應」做。花姐拍落大讚兩人勁抵用，她們為學員仆心仆命，二汶慘變喊包；KP更要靠玩app減壓；而經驗豐富的花姐，竟然亦被學員努力感動，要公開向他們道歉。

花姐同二汶和KP好鬼夾，除食住薯片睇騷，仲想搞個節目一齊玩。

花姐最初期構思節目從第二輯節目評判入手搵導師，她睇中二汶和KP，因發覺兩人好愛節目會「落搭」，當節目拍攝期間，她便肯定沒有找錯人，「呢兩個人嘅投入係我難以想像，佢哋𠵱家好似無端端生咗廿幾個仔女，要好好照顧佢哋，又做經理人、保母、阿媽，上兩輯我要負責嘅嘢，佢哋一嘢已經仆到出去做，唔使我煩，我覺得係好抵。」而兩人自爆其實是「𦧲飯應」做，因覺得自己適合做，亦好想同學員分享。

花姐坦承兩位導演情緒起伏令節目更好睇，「（暗爽？）唔使暗，我直情喺佢哋面前爽畀佢哋睇！」

二汶和KP在節目中的互動相當搞笑，亦睇出兩人的友誼。

二汶和KP在前哨戰在後台搶人入組，互相推撞，甚至爆埋粗，但強調無損友誼，二汶反而認為到分組賽，好多情況不能跟KP分享而變得失落。二汶又因為太投入節目，竟變成喊包，「我估唔到自己喊咁多，我平時係唔喊！（KP：我識佢咁耐冇見過佢喊！）（花：直情感覺佢痛！）有次喊到佢哋直情分別send message畀我，問我有冇嘢。我見到佢哋（KP）嘅人輸都喊！」

三人在後台的反應和表現，有時真係精彩過參賽者演出。

二汶為了節目，突然變了喊包。

分組賽開始，三人不用在後台睇演出，舒服好多。

至於KP遇到過程中低落，就選擇玩app帶走負面情緒，「好似好鬼迷信咁，有個類似星座嘅app，佢唔係睇你星座，但係會分析你性格，有幾晚返去睇嘅時候係安撫咗我。」

Timo因同花姐拍廣告，傳為節目內定冠軍。

講到花姐最近分別跟參賽者Timo（江宏基）和Ansonbean（陳毅燊）合作拍廣告，她澄清全程由廣告商安排，「係廣告商攞名單自己casting嘅，我都係去到拍前一兩日我先知係邊個，絕對冇偏心。（Timo傳係內定冠軍？）冇內定㗎！我心入面淨係得MIRROR同ERROR。」

花姐點名要向B2組的Odi（左三）同班長（右三）道歉，而KP就話這組的CY（陳澤言，右）的變化好好睇。

另外，花姐更點名要向Odi（陳康琪）和班長（李明憲）講對唔住，因自己太主觀，但接觸過發覺兩人都努力，對他們已改觀。

李慧詩、彭秀慧及JACE陳凱詠分別應邀擔任「HK Vertical 1000」特別嘉賓暨活動大使，身體力行參與沿繩下降挑戰。

由太古地產提供場地支持，香港外展訓練學校（Outward Bound Hong Kong）主辦的慈善沿繩下降挑戰「HK Vertical 1000」自2017年首次舉行後，於11月26日回歸太古坊。共31位挑戰者於港島東最高的摩天大廈 —— 從港島東中心樓高一千呎（68層高）的頂樓或36樓（高度按當時天氣及安全情況而定）參加沿繩下降挑戰極限，為非牟利慈善機構 香港外展訓練學校籌募善款。是次活動所籌得的善款將用作培育本地青少年，為社會帶來正面影響。

彭秀慧參加沿繩下降挑戰極限。

陳凱詠參加沿繩下降挑戰極限。

奧運獎牌得主「牛下女車神」李慧詩、屢獲殊榮的劇場/電影導演及演員彭秀慧（Kearen Pang）及歌手JACE陳凱詠，分別應邀擔任特別嘉賓暨活動大使，身體力行參與沿繩下降挑戰。她們在這項活動的參與體現了非凡個人勇氣的同時亦為年輕人樹立典範，鼓勵他們積極建立自信，抱著樂觀態度面對人生挑 戰。

彭秀慧於太古坊港島東中心外牆沿繩下降。

彭秀慧於太古坊港島東中心外牆沿繩下降。

陳凱詠於太古坊港島東中心外牆沿繩下降。

陳凱詠於太古坊港島東中心外牆沿繩下降。

彭秀慧於太古坊港島東中心完成沿繩下降後表示：「剛剛我那袋繩不知為何打結，所以我下降時需要一邊解結一邊落，但讓我有更多時間停留在半空欣賞風景。 我亦有很多回憶關於太古坊，我分別在這裡做過ArtTourGuide及有份參與ArtisTree開幕時的第一個劇場項目，所以對這個地方很有歸屬感，非常開心可以在這𥚃參與這樣有意義的活動。」

JACE則表示：「剛剛的感受有點複雜，無法想 像自己在這個高度去做這件事，心情既激動又亂，同時又感覺好寧靜，因為半空中只有 我自己一人，總括來說，這件事比我想像中刺激，很開心可完成到這個挑戰。其實事前 我覺得很簡單，因為之前都有練習過，但到真正在半空時，因為有風所以我控制不到方向不停自轉，到真正著地時都有點腳軟的感覺。」