若然Ian拍拖消息實屬,恐怕無數粉絲會感到心碎。
前港姐冠軍陳曉華(Hera)爆出跟男團MIRROR人氣成員陳卓賢(Ian)秘戀同居後,再有消息指Hera被目睹跟舊愛狄以達到九龍灣購買家品,疑已舊情復熾;另一方面,Ian被傳其真命天女是合作劇集《男排女將》的余潔瀅。
網上圖片
狄以達突然清空ig貼文與關注。
本報記者昨天致電狄以達一直未獲回覆,並被發現他突然清空ig,刪掉了所有貼文及關注。今日記者再嘗試致電狄以達,但依然仍未有回覆。
余潔瀅澄清與Ian只是一對螢幕情侶,私下不太熟稔。
狄以達在陳曉華被爆秘戀Ian後,被發現清空了ig;Ian亦突然被傳余潔瀅才是其真命之女。
至於Ian亦被傳出其真命天女,是劇集《男排女將》飾演其女友的余潔瀅,不過余潔瀅第一時間否認其事,說:「我跟Ian純粹工作上認識,現實生活中唔熟,亦都無乜傾偈,甚至連電話號碼都無,只係在《男排女將》係一對螢幕情侶,唔知係咪有觀眾太投入劇情或有乜誤會,總之我跟他唔係咁熟。」至於Ian的經理人花姐表示沒有回應。
前陣子前往英國舉行MIRROR巡唱的陳卓賢Ian,趁空檔時間於倫敦拍攝了最新單曲《Thank You Postman》的MV,當中的情節,正是上一首作品《Lost at first sight》的延續。
陳卓賢(Ian)推出新歌《Thank You Postman》。
《Thank You Postman》由Ian作曲,陳詠謙填詞,是二人繼2020年《正式開始》後再一次合作的作品,歌曲延續了《Lost at first sight》的故事發展,講述一對情侶各自追逐自己的夢想或目標而分隔兩地,但心靈上依然形影不離,連繫一起,並憑藉寫給對方的信件聯繫感情,而郵差為這段感情扮演了重要角色。現在資訊科技發達,Ian現在都不會寫信了,但他回憶道:「我以前有寫過信,但寄就比較少,因為多數親手俾,我唔係一個好擅長用言語去表達自己嘅一個人,所以過去會選擇寫信。」雖然現在機會少了,但問到在英國巡唱時的Ian,若要寄出一封信,他選擇會寄給他的粉絲Hellosss,Ian說:「希望你哋都接收到呢封信,雖然我而家唔喺香港,但都收到你哋對我嘅支持,呢封信係回饋返呢份愛俾你哋。」
相關影片可以按以下畫面觀看:
VIDEO
影片連結:
Ian到英國巡唱趁機拍攝新歌MV。
歌曲延續了《Lost at first sight》的故事發展,講述一對情侶各自追逐自己的夢想或目標而分隔兩地。
因為要到英國開Show,所以Ian出發前忽發奇想,他說:「既然一場嚟到,睇下會唔會安排到少少時間拍到MV一啲片段。今次呢隻歌同MV,係講男仔去咗第二個地方去追佢嘅夢想或者做佢要做嘅嘢,女主角唔係喺同一個地方,各自努力緊自己嘅嘢,其實某程度上大家好多嘢都係同步嘅。」剛好Ian身處英國,扮演女友的許恩怡Natalie在香港,二人各自分開拍攝,香港及倫敦穿插於MV畫面之中,直截了當表達了兩人分隔異地的關係。
Ian身處英國,扮演女友的許恩怡在香港,二人各自分開拍攝,直截了當表達了兩人分隔異地的關係。
由於在英國的行程緊密,Ian當日從香港飛抵倫敦,便立即投入MV拍攝,他坦言都有點吃力,他說:「第一次嚟倫敦,一落機就拍攝,因為Jet lag,都幾辛苦,呢種感覺令我諗返起當日拍攝《正式開始》MV,又係拍完劇就飛通宵機去日本,又係去到機場就即刻開始拍,係好攰,而家喚醒咗當時嘅記憶。」Ian更搞笑道:「唔得喇,好攰!我而家已經想瞓覺。」
難得身處異地,除了拍攝MV外,未知Ian可會在旅程中尋找創作靈感?他說:「又好少去尋找,有陣時係突然有啲嘢出咗嚟,多過主動去尋找。我搭飛機多數唔係好瞓到覺,所以反而係喺飛機上面,我都有寫到一首歌出嚟。」
情歌系列作品第二章。
今年這個音樂系列作品已來到第二章,被問到將會有多少個章節,Ian大賣關子道:「大家要密切留意,即係好似睇一套電影,譬如《哈利波特》,如果一早知道幾多集,就大概知道劇情點樣發展,但我想大家一路追一路期待會好啲。」想知劇情如何發展,大家都要繼續追聽下去了!
Ian欲寫信回饋粉絲愛意。