澳門隔離期延長 囡囡為張繼聰隔空打氣勁sweet

女兒為爸爸加油 !

網上圖片

張繼聰因到澳門工作正在酒店接受隔離檢疫，連日都在社交平台貼文倒數出關日。

網上圖片

澳門政府宣布現正在澳門隔離的旅客，須即時延長隔離期至21天，張繼聰昨晚在社交平台晒出搖頭短片，「個感覺就好似跑10K ，差唔多到終點，先發現原來自己報咗半馬....好彩我心理質素夠強大，完全唔驚，係有少少想喊啫，#隔離 #14+7。」

不過，囡囡張靖送上語音短訊為爸爸打氣，囡囡又學爸爸搖頭，非常可愛！她還說：「Daddy加油呀，Yes﹗」阿聰聽到當然心甜，「妺妹睇到我尋晚嘅post嘅反應 #滿血復活」。

兩大型男鬥身形

張繼聰曾與黃宗澤合作過劇集《幕後玩家》以及《紮職2》，早前兩人在健身房意外相遇，兩大型男鬥身形，張繼聰超有「機心」靠茅招搶Fo！

張繼聰經常騷肌

肌肉幾勁！

Bosco都好Fit

張繼聰在社交平台分享與黃宗澤及教練的合照，並留言：「紮職2之舉鐵」，之後他又貼出同一張照片：「諗諗吓好似第一次喺健身室撞到，真係要影返張相留念。我認我機心好重，第一張相，擺啱pose , 隻手老年咁大」。相片中的他故意彎曲手臂谷起二頭肌，手瓜起腱相當誇張，將舉機拍攝的黃宗澤比下去。

兩大型男首次健身房相遇！

張繼聰自認有機心！