Anson Lo奪叱咤生力軍銅獎　阿Jer攞金獎隊友AK冇反應

組合MIRROR可謂大豐收！

組合憑歌曲《IGNITED》奪得「專業推介叱咤十大：第3位」外，在頒發「叱咤樂壇生力軍大獎」時，其中兩位成員Anson Lo（盧瀚霆）和阿Jer（柳應廷）更以個人身份掃兩獎。率先獲銅獎的Anson Lo甫聽到得獎名單，即嚇到碌大眼彈起身，一班兄弟紛紛湧上前抱抱，惟Anson Lo Keep住一臉難以置信，他感激經理人花姐、公司及粉絲等，並謂：「好多謝MIRROR一班兄弟，呢一年雖然好艱辛，但我哋都冇放棄過。」

阿Jer攞生力軍金獎，坐在旁邊的隊友AK沒什麼反應。

MIRROR一班兄弟湧上前，給予率先獲生力軍銅獎的Anson Lo抱抱。

Anson Lo一臉難以置信。

奪金獎的阿Jer被MIRROR成員激動包圍，但AK好冷靜，阿Jer即主動攬攬對方。

阿Jer叫AK不好不開心，並謂大家一齊繼續努力。

台下的AK即點頭回應。

組合R.O.O.T奪得生力軍銀獎。

隨後隊友阿Jer勇奪也金獎，MIRROR成員們即激動衝上前包圍他，惟坐在旁邊的Anson Kong（江𤒹生，AK）異常冷靜，只懂望住對方默默拍手，阿Jer主動攬攬AK，並於台上指住AK說：「Anson Kong唔好唔開心，我哋一齊繼續努力，加油！」台下的AK即點頭回應，阿Jer續道：「我知道呢一年疫情咁嚴重嘅日子，去畀新人推出自己嘅歌係好難嘅事，多謝《全民造星》呢個節目，多謝花姐，唔係有你唔會有而家嘅我，多謝台下11位MIRROR兄弟，我哋繼續加油，希望可以令更多人聽番廣東歌，支持廣東歌。」至於銀獎由組合R.O.O.T奪得。

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。