好媽媽兼好太太。
中一自行分配學額於本月4日起接受申請,林子博要為11歲細仔林卓楠遞表,他為卓楠整理申請文件時,才發現亡妻董燕君(Shirley)一早已整理好所需文件,「拎起個File就行得」就可以交表。
子博最近於社交網出PO,表示一直以為自己是個稱職的爸爸,事事都親力親為處理仔女於學業問題,例如家長日見老師、為仔女搞證件、找學校,他甚至認為自己比太太做得更多更出色。
直至最近子博為囝囝搞中一自行分配學位申請,這才發現自己相當不足,原來所謂「稱職爸爸」其實由太太造就出來。子博留言:「因為冇人再提住我幾時證件到期?家長日係邊一日幾點鐘?重要文件擺喺邊?我根本『一頭霧水』。」
事關中一自行分配學位到本月18日就截止,子博要盡快找到心儀中學交表,但現在沒有太太提點,他囡每日提醒自己截止日期,同時要找齊申請所需要的證件、囝囝近年的成績表、獎狀與證書等。這時候他才發現原來Shirley早就所有文件都存放好,他表示:「 太太原來早已將子女由幼稚園開始嘅所有成績表、獎狀、證書『keep起』,而且仲一張一張咁整理得井井有條,方便我呢個所謂嘅稱職爸爸,拎起個File就行得!唔使『揦手唔成勢』!」
最後子博於留言更感激Shirley:「婆~多謝你一直為我塑造呢個好爸爸形象,默默喺背後容許我人前認屎認屁! 其實妳先係一個最稱職、最偉大嘅媽媽!」