回加國前爭取見面時間 李施嬅孖趙希洛超市掃零食

老友係要見嘅！

因為劇集《Blood and Water》第三季復工，39歲李施嬅月初返加拿大隔離兼繼續拍攝。臨遠行前就約好姊妹、38歲的趙希洛行超市爭取見面時間，兩位中女主力睇零食，兩個都咁瘦，大把Quota啦。

網上圖片

兩位老友記約埋行超市。

李施嬅份人都幾老實，之前因為要返加拿大，所以缺席無綫頒獎禮，有粉絲喺佢IG留言：「今年有可能攞獎，會唔會有代領獎？」李施嬅當時已回覆：「儍瓜，唔出席就冇可能有獎㗎啦！」睇得透仲要夠膽講，另眼相看喎。

資料圖片

出發去加拿大前，李施嬅就約老友趙希洛去超市行吓。當晚約七點，兩人現身銅鑼灣時代廣場地庫，趙希洛對展銷場中有按摩功能，可幫助舒壓及減少髮絲斷裂的魔力功能髮梳好有興趣，見佢睇咗好耐，再經Sales介紹，120蚊一個，諗一陣就入手，之後入超市會合李施嬅，兩女分開睇，但睇嘅都係For牙痕過癮用，兩人隨意兜咗個圈，買咗啲零食，如黑松露迷你餅乾條，然後就排隊畀錢再一齊行去停車場攞車返歸。

雖然約埋行超市，但兩人各自行。

李施嬅咩都有興趣，邊行邊四圍望。

趙希洛對魔力梳好有興趣。

去到停車場，趙希洛拉低口罩飲啖水唞吓氣。

兩個人泊車位置唔同，各自攞完車就返歸。

李施嬅更獲網民大讚「演戲唱歌跳舞咩都掂！」

李施嬅（Selena）去年憑藉劇集《新聞女王》中飾演「張家妍」一角再度爆紅，除了《新聞女王》，最能代表李施嬅的劇集相信是《金宵大廈》系列，更憑劇集於2019年的《萬千星輝頒獎典禮》獲得「最受歡迎電視女角色」獎，又與陳山聰奪得「最受歡迎電視拍擋」，近日她就在內地節目中自彈自唱《金宵大廈》主題曲，天賴之音獲得網民一致讚好。

李施嬅去年憑藉劇集《新聞女王》「張家妍」一角再度爆紅。

而最能代表李施嬅的劇集相信是《金宵大廈》系列。

李施嬅更憑《金宵大廈》獲得「最受歡迎電視女角色」獎，及與陳山聰奪得「最受歡迎電視拍擋」。

為《金宵大廈2》作曲兼獻唱插曲《相愛萬年》。

去年12月中又與「胡說八道」的姊妹到美國開騷。

近日參與百度App的特備節目《小時候的影視金曲》。

李施嬅近日參與百度App的特備節目《小時候的影視金曲》，並在節目中自彈自唱由譚嘉儀原唱的《金宵大廈》主題曲《今宵多珍重》，她在IG分享獻唱的片段，並留言：「4年後回到#金宵大廈 ， 都係走唔出呢幢大廈。Coco +Alex 的感覺回來了。」片中，李施嬅穿著黑色Tube dress，高貴又美艷，並自彈自唱《今宵多珍重》，可謂高音甜、 中音準、低音勁！

影片截圖

影片截圖

影片截圖

影片截圖

影片截圖

不少網民看過影片都留言大讚：「好聽好靚！幾時再開演唱會？」、「有韻味，李施嬅好勁」、「聽出耳油！Coco姐好正」、「實力派李施嬅」、「Selena好犀利，演戲唱歌跳舞咩都掂」、「這麼好音色，為何不參加內蒙面唱將猜猜猜！贏了一舉成名天下知！輸了冇人知道妳的真面目」，更有人表示：「夢回Alex跟coco！准備再看一次金宵大廈！超好看」、「你一彈琴個氣質真係令人諗起今宵大廈」、「姐姐好棒！！我夢回金宵了！」

李施嬅的天賴之音獲得網民一致讚好！