陳煒示與男友有共識，今年還未有結婚計劃。
陳煒及陳展鵬今日（27日）為新劇《黯夜守護者》進行拜神儀式。47歲的陳煒於19年與醫生男友陳國強公開戀情，早前，陳煒被影到一個人在跑馬地睇新樓盤，有傳二人好事近，陳煒示與男友有共識，今年還未有結婚計劃，因為要開工唔得閒。
陳煒表示要向投資專家陳展鵬學習。
陳煒指最近樓價回落，加上跑馬地少新樓盤，所以去睇吓。她坦言儲蓄容易貶值，因此要用不同方法投資，又指會向身邊的投資專家陳展鵬學習。
陳煒早前被影到在跑馬地睇新樓盤，不過她表示睇樓不是為結婚，而是為投資。
展鵬透露陳煒要挑戰拍揸車戲，但陳煒自爆沒有車牌，笑指：「之前拍過唔少揸車戲，令大家以為我識揸車，其實我係冇車牌。」陳煒自言已一把年紀，不打算考車牌。
早前展鵬與太太單文柔及囡囡Quinta溫馨慶祝生日。
本月14日是展鵬44歲生日，早前他與太太單文柔及囡囡Quinta一家三口在家溫馨慶祝，太太更親自整蛋糕給他，而展鵬更有囡囡餵食柑，非常幸福。問到太太可有呷醋?展鵬笑言：「女人好重要，唔介意女兒黐媽咪，因為媽咪不開心，爸爸就會好煩。」
囡囡Quinta餵爸爸食柑，展鵬冧晒。
經典「紙戒指」求婚重現強攻網友集體回憶！
由劉家豪總監製、陳志江監製、岑國榮、孫浩浩擔任編審的《逆天奇案2》，本周一至周五晚八點半翡翠台播映結局篇。昨晚（6日）一集講到森Sir（陳展鵬飾）被陷害入獄後，阿Wing（林夏薇飾）前往探望；二人經歷過各種患難後，阿Wing終發現原來心底一直都放不低森Sir，她隔着玻璃向森Sir說：「你出返嚟之後，有件好重要嘅事要做，明明我成日叫你『同事』，原來有啲嘢係呃到人，但呃唔到自己，今次呢件事我發現我哋都唔可以冇咗對方，你心入面有我，我心入面都有你。我睇到你條路變得好難行，我好心痛，我想話畀你聽，我好想同你一齊行。」
「國民女友」 薇薇返嚟喇，佢向展鵬求婚！
薇薇同展鵬經歷咗咁多嘢後，終於發現自己其實放唔低展鵬。
薇薇喺展鵬最艱難時期都冇離棄佢不特止，仲調番轉頭向佢求婚，女友力Max！
紙戒指求婚靈感源自陳展鵬親身經歷
之後阿Wing戴上當年森Sir向她求婚的紙指戒，並說：「許浚森，你仲願唔願意娶我呀？我諗咗咁耐，鼓起咁大勇氣先敢向你求婚，你唔係諗住Say No呀嘛？」森Sir即說：「娶，我梗係娶你啦！」最後兩人隔着玻璃做出定情Finger Cross手勢，配以展鵬獻唱的插曲《後悔萬年》做背景音樂，浪漫指數爆標。上輯被封為「國民女友」的薇薇，昨晚一集大晒最強女友力，不單對陷入人生低谷的森Sir不離不棄，更主動向他求婚，絕對是患難見真情。而薇薇戴上紙戒指一幕，則引爆上輯森sir摺紙戒指向阿Wing求婚的浪漫集體回憶！其實紙戒指求婚情節靈感來自展鵬親身經歷，他曾經公開現實中亦是以紙戒指向太太單文柔求婚，相當浪漫。
冧豬指數爆標。
薇薇於笑臉跌出淚水呢個樣無敵！
網友諗番起上輯展鵬用紙戒指求婚一幕。
網友諗番起上輯展鵬用紙戒指求婚一幕。
「麻煩老爺」李龍基出招補鑊 黃智賢蔣祖曼婚事有轉機
另邊廂，Nic Sir（黃智賢飾）和Hazel（蔣祖曼飾）的關係亦有所進展！原本Hazel因Nic Sir爸爸福伯（李龍基飾）要求簽婚前協議書煞停婚事，來到結局篇，知衰的「麻煩老爺」福伯急急出招補鑊，與Nic Sir和Hazel吃飯時，透露睇相時被批印堂發黑將面臨劫數，借意催兩人結婚沖喜，講明不用再簽婚前協議之餘，更賣口乖謂：「我搞個龍捲風出嚟你哋都頂得順，一段感情經得起波折，一定打風都打唔甩！」Hazel聽畢態度明顯軟化，由「以後唔好同我提結婚兩個字」演變成「唔好提結婚住」，看來二人關係柳暗花明。
「麻煩老爺」李龍基出招補鑊。
再向黃智賢同埋蔣祖曼逼婚。
蔣祖曼態度明顯軟化，由「以後唔好同我提結婚兩個字」演變成「唔好提結婚住」，唔怪得黃智賢咁開心啦。
