《太平紋身店》同李賞演兄妹 林德信為落妝搞到成手血

Alex話諗番都驚驚！

林德信（Alex）最近跟李進及李敏的長女李賞（Faith）拍ViuTV劇《太平紋身店》，飾演兩兄妹，戲外兩人亦似兄妹相處，Alex話本身同胞妹都似劇中關係。劇中Alex右手有紋身特技化妝，不過他竟為落妝搞到成手血，諗番都驚驚。由於該劇全程在疫情下拍攝，他們認為拖慢進度反而令大家感情更好，而本在英國大學讀法律的Faith，亦因返港避疫配合到宣傳。

35歲的Alex和18歲的Faith雖然年紀差成截，但完全冇代溝合作愉快。

Alex和Faith該劇雖然是初次合作，但互相讚對方帶給劇組歡樂和正能量，大家合作能夠擦出火花。Alex又覺得劇中兩人關係，跟自己真實生活好相似，「因為我個妹性格比起我係成熟啲，佢嗰感覺、佢諗嘢或者style都係，可能我貪玩啲，所以我都係慣咗有個妹，但係都係當佢家姐咁樣。」

Faith首部電影《逆流大叔》，便跟吳鎮宇和胡定欣合作。

講到拍攝難忘事，Alex首推為落右手的紋身特技妝搞到見紅，令在旁聽見的Faith都嚇一嚇，「我每次落個紋身都係要有好多steps，用幾次落妝油抹，又要再沖涼先得，有次我好夜收工，我費事坐喺度畀佢哋落，自己捽吓捽吓，我返到屋企成手都係血喎！因為我捽到皮都爛晒，後尾我太攰冇理，可能心急太用力，但之後我每次都係畀番佢哋落啦！」

Alex右手這個紋身雖然不及周秀娜的大，但估不到會令他見紅。

該劇在19年尾開機，橫跨這個疫情近一年進行拍攝，雖然令製作期延長，但兩人覺得辛苦得來也有好處，Alex話：「不過都好嘅，Faith之前有講過，可以好多時間去諗，你個角色係點樣演。同埋我哋喺太平山街都好舒服，大部份時間係夜晚拍，好似成條街係我哋咁㗎！大家傾吓偈咁幾開心。」

劇中Alex和Faith跟黃德斌有不少對手戲，Faith繼電影《逆流大叔》再跟對方合作。

Alex因拍該劇演廚師學識煮幾個餸，也有煮給公公品嚐。

拍攝期間，Faith要邊拍邊返學，但因網上上堂多，所以影響不大，而之後她已到英國倫敦大學（UCL）修讀法律，本來她預了劇集播出時未必能返港宣傳，但當地疫情太嚴重造就了這次機會，「我喺11月頭返咗嚟，今年9月之前都唔諗住返英國，因為真係太嚴重。」

去年Faith中學畢業，爹哋李進和媽咪李敏都有出席畢業禮。

林德信透露見到哥哥同妹妹生完小朋友好似好開心、好Sweet，所以都想生BB。

林德信（Alex）與孫曉賢（Kendy）日前出席酒吧騷「Singleton Sip or Speak」，二人一早到場綵排，仲彈結他Jam歌，好快全場氣氛高漲大合唱！Alex就話二人同年出道，當年更同屬一間唱片公司，笑言呢次音樂演出似「重聚」，「其實我同Kendy都鍾意飲嘅，所以次次見面都會飲翻杯，有一次酒吧撞到佢，諗住飲杯聚吓就算，點知突然落大雨走唔到，睇嚟都似個天要我地聚多一陣。」

林德信與孫曉賢日前一同出席酒吧騷。

剛剛完成婚禮的Alex剛渡蜜月回港，佢就話呢次唔算「Honey Moon」，因為全家都參與其中，忙於打點無閒「造人」：「好多年都冇成家人去旅行，呢啲機會要好好享受吓，哥哥同妹妹幾年冇見面，連姨甥都係第一次見面咋！見佢地生完小朋友好似好開心、好Sweet想生BB，長輩都冇催我吧，生仔生女都冇咩所謂。」

林德信完成婚禮兼渡蜜月回港。

Alex指今次渡蜜月，全家都參與其中，所以無閒「造人」。

直言想生BB，生仔生女都冇所謂。

Alex就話希望來年想搞個人騷，Kendy反建議對方搞音樂節，將音樂、瑜珈、茶道大結合，Alex即席邀對方參與：「『造人』、『搞騷』唔怕一齊嚟嘅，呢啲係自己嘅挑戰，可以同步進行，可能半夜返去幫手餵奶，之後朝早再出去唱歌。」

Alex又希望來年想搞個人騷。

Kendy就建議對方搞音樂節，將音樂、瑜珈、茶道大結合。

雖然蜜月與親友同行，Kendy亦有參加，笑言Alex朋友「夠搞笑」，「佢有個法國朋友，突然用廣東話唱『少林功夫好』，真係全場都好surprise。（合眼緣叫Alex介紹？）人地有家室喇，唔好搞呢啲嘢。佢嘅Wedding真係好正，我聽到佢話想要小朋友都幾Surprise，我突然覺得佢有外父相。」

原來Kendy亦有參加Alex的蜜月之行。

而Kendy剛從日本回港，完成當地兩場音樂會，「見到有好多香港人專程嚟聽，佢地好掛住廣東歌。我都寫咗篇日文嘅謝詞，以為會好緊張，點知講講吓都喊晒。今次見到當地好多美男子，不過就冇艷遇，希望下次去再開騷時，帶埋艷遇返香港就幸福啦！」

Kendy剛在日本完成兩場音樂會。

Kendy笑指今次冇艷遇，並希望下次去再開騷時，能帶艷遇返香港。