快手科技(01024)傳上限115元定價，集資420億元，市值達4700億元。
該股昨天中午截認購，外電引述知情人士表示，快手吸引超過140萬人認購，本港公開發售錄得逾1.28萬億元認購，以公開發售集資額10.5元億計算，相當於超額認購1218倍。
信誠證券聯席董事張智威直指，只有B組，即認購5萬股，即580.79萬元(500手)，才可穩獲一手；至於A組的投資者就要靠運氣。
資料圖片
上次螞蟻招股時計及回撥，最多可發行1.67億股給公眾投資者，即已預備了若有100萬人認購，理論上可做到一人一手，但今次快手計及回撥由2.5%，增至6%，分給散戶的股數只有2190萬股，遠遠少於螞蟻，故要做到一人一手是難上加難，甚至是無可能。
資料圖片
報道指，快手預計會以上限定價。快手招股價105至115元，一手100股入場費11616元，集資最多420億元。快手將於下周五在主板掛牌。
若扣除上市觸礁，阿里巴巴-SW(09988)旗下螞蟻集團，快手成為新凍資王。螞蟻集團去年招股時有155萬人認購，凍結資金超過1.3萬億元，當時均創下香港新股市場記錄，惟螞蟻集團最終暫緩上市。若不計及螞蟻集團，快手1.28萬億元認購額、140萬認購人數將創本港新股紀錄。
6月20日，天氣炎熱，部份時間有陽光，間中有幾陣驟雨。隔晚美股休市，歐洲股市見回吐，但跌幅唔算嚴重。美國國務卿訪華，雖然連習大大都見咗面，但中美雙方會面後未見聯合聲明，雙方關係只能算打破僵局，但談不上完全破冰。由於內地經濟表現於開關後，復甦不似預期，經濟面未能支持人民幣強勢，人仔喺上周五反彈後，周一又回復跌勢。
內地國常會結束，未見有任何重大刺激經濟政策出台，618購物節成績未見突出，噚日ATMJ開市未幾即下跌，跌幅全線超過3%，之前一直強勢嘅快手(01024)更跌半成。下半場傳出習大大將會見布林肯，港股由低位反彈，呢啲重磅科網股跌幅亦收窄，帶動港股跌幅削半。
618購物節成績如何，喺各電商未有公布銷售金額下，大家都心中有數，應該唔會好得去邊，否則早已打鑼打鼓，高調宣布銷售數字。相比喺疫情之前，每當有呢類銷售推活動，唔使十個八個鐘，又話打破去年銷售紀錄，近呢三年已再無呢支歌仔唱。
不過大行對電商股都算客氣，指目前內地消費力弱，電商平台銷售產品以平價貨為主，總收入有啲啲增長都已超過預期，表現唔錯，繼續睇好。不過報告睇好還睇好，但身體最誠實，噚日未見資金入場掃電商股，主要係官方無實際銷售數據公布，大行報告都係避重就輕，電商實際整體營收表現如何，市場一清二楚，當然唔會賣賬，尤其電商如京東(09618)大灑金錢補貼進行推廣，即使谷得起個銷售額，但薄利都未能多銷，拖累整體盈利表現，電商補貼戰難以持久，相關股份經過一輪反彈後，市場面對618購物節亦不感興趣，未見資金入場追貨。
恒指噚日回吐逾百點，但收市跌幅已較盤中低點跌幅削半，雖然未能企穩20000大關，但暫時守住19800關都算係咁。不過成交額又回落至1030億元，反映場內資金面薄弱，買盤未見積極，大市都係由期指主導，指數上上落落炒波幅。人民幣雙櫃台買賣，雷聲大，雨點小，呢個都係古天后意料中事。講嚟講去，港股由18000水平反彈至今，一直未見資金配合，除咗係技術反彈同挾淡倉外，講唔上係乜嘢回復強勢。留意反彈未能企穩100日線，若再失250日線及50日線，本輪反彈好大機會結束，只係6月份好友得勢，未必會放過淡友，回調至19500水平或者又守住，假如去到期指結算後，仍未有任何好消息配合，唔排除大市再次調頭向下，坊間唔少聲音指上月低位已見咗全年低位，似乎係有啲過份樂觀。
