ViuTV 6索女零妝拍《家務戰場》毀形象 Rose Ma被爆陋習

期待6位出場！

27歲「電競女神」Rose Ma（馬俊怡）、31歲陳婉婷（Hebe）、36歲王頌茵（Kathy仔）、21歲邱晴、26歲貝依霖和24歲伍詠詩近日一同演出ViuTV真人騷《家務戰場》，節目中6女共住一屋7日，並為製作組安排的超「惡啃」屋及車等進行清潔大挑戰，令她們由「媽寶」變「真．女人」！由於屋內布滿鏡頭，眾女神的素顏Look及醜態全曝光，受訪時擁34D的Rose Ma更遭「圍剿」爆陋習，邱晴因為某啲行為激到拍檔紮紮跳。

曾傳工作態度欠佳的Rose Ma獲拍檔力撐拍攝期間冇黑面。

因要過同居生活令眾女的素顏曝光，在周二見街的一集，人稱「ViuTV新一代女神」的Kathy仔更瞬間變「大細眼黃面婆」！日前接受《頭條日報》訪問時，Rose Ma就獲選為「最靚素顏」，皆因皮膚好又冇黑眼圈，貝依霖即爆料：「佢唔瞓覺都唔除Con！」Rose Ma解釋因有「三白眼」怕上鏡唔好睇，故待熄晒燈才敢除隱形眼鏡。對於傳工作慣性遲到兼黑面，Rose Ma即獲5位拍檔力撐，她反問：「係咪發吽哣咋？」語畢貝依霖和陳婉婷又幫忙扯開話題，指Rose Ma不是噯氣就是放屁，形象盡毀！

經過節目中連串家務訓練，自認技能提升的邱晴稱隨時嫁得。

艱苦任務

平時做開家務的貝依霖大嘆節目中的惡劣任務是一生人從未遇過！

面對非一般家居清潔任務，貝依霖嘆最惡啃一次，是半個身爬入「百年出土文物」洗衣機中清潔；至於Hebe和邱晴要執拾一間儼如垃圾崗的「古屋」，屋內不但有4、50個蜘蛛網，牀上仲佈滿蚤，Hebe說：「我哋去揼骨場沖涼、洗頭，換晒衫先敢返屋企，費事惹到大家。」搞到濕疹發作的Rose Ma坦言識洗衫煮飯，只係私下唔想做，又自詡強項是食嘢，隨即被大家爆是「精明一族」，事關她獲分配最少「家用」，買完日用品卻仍有錢買埋鮑魚慰勞Roommates。

Hebe最難忘清潔一間猶如垃圾崗、數十年冇清潔過的古屋，非常惡啃。

港女脫胎

雖然睡前堅拒除Con，但皮膚白滑的Rose Ma獲拍檔選為最靚素顏。

而「富戶」Kathy仔笑言未有因此恃強凌弱，反而家務做上癮，「Cut機後，我仲喺間好惡劣嘅屋不停抹，唔肯走。」談到私下難斷捨離，伍詠詩自爆家中醬油過期1年仍照常食用，嚇到食過其手勢的拍檔尖叫，她尷尬稱：「暫時我仲未有事……（Rose Ma：唔怪得咁瘦啦，都唔吸收！）」當中邱晴被選為「最想揼拍檔」，但並非因懶或有公主病，而是她經常「打破常規」做事，即愈幫愈忙，但邱晴說：「而家成日喺屋企要做家務，經過節目訓練後Very good，嫁得㗎喇！」

經常愈幫愈忙、食物跌落地都唔洗的邱晴(左三)獲得5票當選為「最想揼拍檔」。

Kathy仔獲網民封為「ViuTV新一代女神」。

日前Kathy仔的「大細眼黃面婆」真面目於節目曝光！

未知Kathy仔的緋聞男友黃奕晨（左）睇見有冇嚇親呢？

伍詠詩於節目中幫人洗腳兼做腳底按摩。

6女每集都會挑戰不同任務，包括清潔廿年冇洗的抽油煙機、焗爐及馬桶等。

邱晴用水喉水沖面餅再直接落鑊炒，Kathy仔就將麥皮煮到泥漿咁杰，搞到「管家」古明華都火滾！

6位「媽寶」同居一星期都冇不和，仲團結對抗製作組和MC們。

Hebe（左）和Kathy仔

貝依霖（左）和伍詠詩

Rose Ma（左）和邱晴

Rose Ma、邱晴、Hebe、Kathy仔、貝依霖和伍詠詩的素顏Look及醜態於ViuTV真人騷《家務戰場》全曝光！

陳婉婷非首次因分享婚紗照而引起誤會，不過今次分享婚禮影片，唔知係真定假呢。

有TVB「最美丫鬟」之稱的陳婉婷（Hebe）2019年宣布離巢後，專注於模特兒工作，除了參加了模特兒大賽的海選活動，還成為了婚紗模特兒，經常會在社交平台分享婚紗照，不時引來誤會。近日陳婉婷突然po出婚禮片段，疑似宣佈婚訊！

Hebe陳婉婷2019年宣布離巢TVB

經常po婚照

成為婚紗模特兒。

多次令網民誤會結婚

陳婉婷上載婚禮影片，影片中的她一臉喜悅，與新郎甜蜜對視，互相宣讀誓言以及交換戒指。影片一出引來大批網民送祝福：「女神出嫁了」、「更幸福快樂，散發陣陣仙气」、「就算係咪真係結婚都好, 我都一樣戥你高興」、「浪漫動人」，不少的圈中好友包括姚子羚、龔柯允及蔡國威都有留言表示祝福。

po婚禮影片

好幸福！

po婚禮影片

po婚禮影片

po婚禮影片