咁唔小心。
應屆港姐冠軍謝嘉怡（Lisa）真係好論盡，她曾經自爆間中會唔見電話，又試過漏帶屋企鎖匙出街，搞到有家歸不得，而昨日Lisa似乎再次遺失重要物品！昨晚，有網民在Facebook群組「大埔 Tai Po」出Po，表示在街上拾獲一張銀行提款卡，樓主上載照片並留言：「有冇人跌左（咗）卡或者識卡主？」該銀行卡的登記名字為「TSE LISA MARIE」，令其他網民聯想到同名同姓兼居於大埔區的Lisa。一班網友都好貼心，除了幫手Tag Lisa Facebook「召喚」她之餘，仲擔心「鬼妹仔」唔識睇中文，紛紛叫樓主到Lisa的IG以英文私訊她。
點擊看圖輯
更多相片
有網民昨晚在Facebook群組「大埔 Tai Po」表示拾獲一張銀行提款卡。
大家即刻聯想到居於大埔區的Lisa，好勁！
樓主貼出一張IG對話截圖，表示已跟Lisa取得聯絡。
大家都好期待睇樓主相約Lisa交收。
亦有人認為Lisa應該已報失，交回銀行處理較恰當。
Lisa昨日去咗踩單車。
Lisa真係好大頭蝦。
Lisa整唔見銀行卡，好彩有熱心網民聯絡交還。
有網民昨晚在Facebook群組「大埔 Tai Po」表示拾獲一張銀行提款卡。
約兩小時後，樓主貼出一張IG私訊對話截圖，表示已跟Lisa聯絡。圖中，Lisa回覆對方稱：「I can t view the photos. But I lost it this evening（我看不到相片，不過在晚上遺失了）」。大埔谷友們見Lisa最終尋獲銀行卡都好戥她開心，不少人更搞笑留言：「樓主得米喇，記得抄牌集郵喇」、「發達啦你」、「勁，可以約到港姐冠軍交收」、「好心有好報嘅！不如問佢攞張親筆簽名相呀！」、「影合照」等。不過，有人卻認為Lisa應該已報失，拾獲者交回銀行處理較恰當，有網民即抵死笑覆：「大家咪葡萄人可以見到冠軍啦。」
大家即刻聯想到居於大埔區的Lisa，好勁！
樓主貼出一張IG對話截圖，表示已跟Lisa取得聯絡。
大家都好期待睇樓主相約Lisa交收。
亦有人認為Lisa應該已報失，交回銀行處理較恰當。
Lisa昨日去咗踩單車。
Lisa真係好大頭蝦。
Lisa整唔見銀行卡，好彩有熱心網民聯絡交還。
