《姊妹淘》主持互數缺點 張寶兒被爆成日「消失」唔應機

張寶兒承諾會改善及珍惜大家。

莊思敏、張寶兒、蔡嘉欣、陳詩欣與主播許文軒（Edmond）齊齊拍攝TVB娛樂新聞台賀年特輯，適逢牛年，眾人特地親親牛牛玩自拍，又同Edmond玩水上單車，更大爆《姊妹淘》主持成員缺點，希望新一年有所改善。

莊思敏、張寶兒、蔡嘉欣、陳詩欣與Edmond搵牛牛自拍。

蔡嘉欣直指張寶兒經常「消失」，笑說：「傳短訊畀佢幾日先覆！唔開心時又收收埋埋，唔話畀人知！」張寶兒回應時亦表明不滿意自己這方面，「我唔係一個主動融入群體生活嘅人，好多時候佢哋搵我出嚟同Message我，我都會Miss咗佢哋嘅聚會。嚟緊我出嚟多啲，會睇佢哋啲Message，真係要好好珍惜佢哋！」

莊思敏、張寶兒、蔡嘉欣、陳詩欣與主播許文軒。

嘉欣又表示陳詩欣講話時「好惡」，「唔好睇佢個樣公主咁款！佢對男友超惡，食住男友，希望來年可以溫柔啲！其實我都有俾張寶兒話我講嘢太直接，又俾莊思敏話我講嘢太快，所以新一年都要改善下。」

陳詩欣說：「叫莊思敏唔好成日請我哋食嘢！（其實係咪攻心計想整肥你哋？）係Edmond你講架！唔關我事，依家佢多咗一個缺點！」莊思敏亦不甘示弱，說：「其實我好怕Part佢，因為佢好瘦，我喺佢隔離，個個都話我肥咗！張寶兒就成日補妝，依家好啲，不過多咗個缺點就係成日漏嘢，佢會成日漏低化妝品喺廠。」

張寶兒結了婚要顧老公，她也承認經常缺席《姊妹淘》聚會，承諾會改善及珍惜大家。

談到生B問題，莊思敏和張寶兒不約而同表示不心急。莊思敏說：「因為疫情同老公分隔兩地，冇見咁耐，各自努力事業先，打好基礎，希望見面時就可以把握時間一齊，去下旅行，想Keep住愛情拍拖嘅感覺。」陳詩欣笑說：「結婚隨緣啦！自從好友余香凝結咗婚，真係多咗人問我。其實公開咗拍拖都係好事，話畀大家知我係有男友，因為之前真係好煩，實在有太多男仔追求我！哈哈！」

張寶兒、袁偉豪

莊思敏與老公楊秉逸

有眼利的網民發現「袁咕碌」頸部位置疑出現紅疹，疑患BB常見的「奶癬」。

袁偉豪（Ben）與張寶兒（Bowie）結婚三年，二人在去年6月公布懷孕的喜訊，愛情結晶「袁咕碌」袁晞祐於同年11月出世，兩公婆不時在社交平台分享親子照，又為「袁咕碌」開設IG帳號紀錄囝囝成長中的點點滴滴，近日又分享多張「袁咕碌」的萌照，但有眼利的網民發現「袁咕碌」頸部位置疑出現紅疹。

張寶兒近日分享一家三口遊海洋公園的照片。

並透露「袁咕碌」見到魚魚會好興奮。

直言不知道囝囝長大後還能記得什麼，但如果有記得任何一幕，一定會是非常難忘，會記一輩子的。

袁偉豪與張寶兒在「袁咕碌」的IG貼出多張萌照慶祝囝囝五個月大，並留言：「袁咕碌大頭。」相中可見，肥嘟嘟的「袁咕碌」趴在床上一時擘大口O嘴，一時開心笑，一時又扭計扁嘴，最後還打咗露，表情相當豐富，勁可愛！不過，有眼利網民發現，「袁咕碌」頸部的皮膚看上去比較粗糙，疑出現BB常見的「奶癬」，並留言關心：「條頸咩事？」

兩公婆又在「袁咕碌」的IG貼出多張萌照慶祝囝囝五個月大。

「袁咕碌」表情多多。

「袁咕碌」表情多多。

「袁咕碌」表情多多。

「袁咕碌」表情多多。

有眼利網民發現，「袁咕碌」頸部疑出現出現BB常見的「奶癬」。

根據賽馬會中醫疾病預防與健康管理中心網站顯示，奶癬即是小兒濕疹，一般滿月後較易初次發作，到幼兒期時痊癒。奶癬一般表現為皮膚乾燥，散見紅疹或見滋水、抓痕、瘙癢，主要發於面頸、手肘等位置。幼兒常常伴有煩燥，夜睡不安等兼症。雖然名為奶癬，但不是所有幼兒都一定是因為「奶」而引起的，奶癬患兒多屬過敏性體質，父或母通常有過敏性疾病的病史，比如說：哮喘、鼻敏感、濕疹等。