吳若希鄭俊弘多謝Herman栽培 JW自細睇獎門人對曾志偉有信心

娛圈事

吳若希鄭俊弘多謝Herman栽培 JW自細睇獎門人對曾志偉有信心

2021年02月18日 18:03 最後更新：18:27

改朝換代。

對於何哲圖（Herman）離任星夢娛樂，吳若希當年獲對方提攜成為「星夢一姐」，她說：「Herman對我哋好好，多謝他多年的照料，希望繼續為樂壇帶來好的音樂。」

鄭俊弘透露經理人回應說：「剛剛喺新聞睇到呢個消息。好多謝Herman呢幾年對我喺音樂上嘅栽培。衷心希望佢嚟梗會有更好嘅發展。上年尾我同唱片呢邊嘅合約都完咗，所以都係睇新聞先知呢件事。嚟緊新一年我都有新嘅開始，新嘅嘗試，繼續努力做好自己。祝大家新年快樂身體健康。」

加盟星夢娛樂半年的JW（王灝兒），對於管理層變動，她說：「我都好多謝TVB同Herman過去幾個月的照顧和支持，亦希望他的個人音樂事業會發展得好好！我由細個開始已經好鍾意睇超級無敵掌門人和志偉哥的電影，所以對志偉哥好有信心，如他所講，一齊進步，帶給市民歡樂，一齊製作好的節目和音樂給大家！」

往下看更多文章

吳若希與老公肉緊啜囡囡面珠慶7歲生日激罕公開Giselle正面樣

2024年04月24日 20:00 最後更新：04月25日 12:01

Giselle與媽媽如餅印一樣

31歲吳若希（Jinny）於2017年與何兆鴻（Alex）結婚，並育有一女一子，Jinny亦都經常會在社交平台分享一家四口的相片，但一直將女兒Giselle（淼淼）保護得好好，幾乎沒有公開過她的正面樣。4月23日是Giselle的7歲生日，Jinnypo相為她慶生的同時，終於公開女兒相貌，與媽媽如餅印一樣！

近日Jinny在社交平台貼出慶祝女兒生日相片，她和老公一如以往左右夾擊啜囡囡面珠，並留言：「我真係唔知可以再啜到去幾多歲，今年已經啜到好似要打交咁。」激罕曝光Giselle正面，與媽咪吳若希如餅印一樣，Jinny寄語囡囡：「諗咗好耐應該同你講咩，喺你小時候，對你可能有好多期望，希望你開心，希望你快樂，希望你善良，希望你勇敢。但係漸漸地發現，我希望你做到嘅嘢，你全部都做到，有好多我唔expect你會做到嘅嘢，你都做到！睇住你慢慢進步，做媽咪嘅真係好安慰。」Jinny感歎時間過得很快，轉眼間，女兒已經七歲，「開始慢慢接觸外邊的世界，有自己嘅圈子同埋自己嘅諗法，媽媽會繼續做你嘅好朋友，隨時準備好耳仔，聽你分享你嘅生活同心情，媽媽愛你！」網民亦留言大讚：「家姐似足mama你大眼睛咁靚女」、「家姐好靚女，未來香港小姐，又遺傳媽咪咁高。」