下月拍電影又將簽ViuTV Alina想同男友Stanley情侶檔搵銀

Alina將加入ViuTV。

Alina（李靜蓮）為《星格拉夫之「造星之夜」》直播演出，問到現在唱歌是否沒問題？她謙虛表示：「當然不是，而且繼續學也對演戲有幫助。」而其男友MIRROR成員Stanley（邱士縉）也一樣要學唱歌。

Alina下月拍電影演女團成員。

Alina又透露，下月有份參與一套關於女團的電影，不過她笑言在剛過去的農曆新年冇戒口：「食太多糕點肥到成隻豬咁，要開始減肥嘞！」咁快有工開，有否感到自己好彩？她指自己每次遇上難關時都有轉機：「去年疫情嚴重時有《全民造星III》的出現，就死時又有人幫我，其實真係好好命。」

Alina最想與男友兼MIRROR成員Stanley行情侶檔路線。

《造星III》已播畢兩個月，問到有冇經理人公司向她招手？Alina表示正與ViuTV洽商，近九成機會簽約。Stanley是否幫手牽線？她稱沒有，因為對方最近工作太忙。正式簽約後，Alina想與男友一齊情侶檔接Job：「希望之後可以與Stanley一齊接Job，可能行情侶檔。ViuTV仲未有一對真情侶，我哋可以行這路線喎！」

Alina是《全民造星III》第7名。

Alina（右二）在16年亦曾參加ViuTV節目《美選D.n.A》。

Stanley（中）正為港版《大叔的愛》開工。

MIRROR衝出香港。

MIRROR前晚（11日）抵達紐約為今日（13日）在UBS Arena舉行的巡唱作準備，騷前12子更應當地FOX及CNN電視台邀請接受訪問，共由Anson Lo、Ian陳卓賢及「大表哥」Stanely邱士縉全程用流利英語回答。

MIRROR前晚抵達紐約，大批粉絲應援偶像

MIRROR亦到CNN接受訪問

於FOX 《Good Day New York》7分鐘的訪問環節內，前半段MIRROR全團跳唱與NBA球星Damian Lillard(DAME D.O.L.L.A)crossover的最新英文單曲Day 0。之後在接受兩位主持Rosanna Scotto及Curt Menefee的訪問時，Anson Lo先表示感受到粉絲對他們的支持，令他們感到非常溫暖同被愛戴，意想不到地見到咁多鏡粉接機。而當主持問及有無四圍行或者食下Pizza，Ian就話只是剛下機，睡了兩小時便急不及待到FOX接受訪問。被問到想跟誰人合作？邱士縉Stanley表示：「一定係Dame D.O.L.L.A，我哋都超級興奮，因為部份成員都係NBA球星嘅擁躉，所以能夠同Dame合作，係莫大嘅榮幸。」

前半段先表演新歌《DAY 0》

Stanley表示最想同Dame D.O.L.L.A合作

Anson Lo全程流利英語回答

Ian 都係英文擔當之一

大表哥英文都幾好

有網民睇完訪問指對MIRROR另眼相看：「嘩！衝出香港呀」、「Anson Lo、Ian啲英文幾好講真」、「Ian完勝」、「香港之光」、「前無古人好犀利」、「跳過咗羅湖」等。

事後，12子表示感到非常榮幸可以接受FOX《Good Day New York》訪問，而Anson Lo更表示「好奇妙」，「我哋以MIRROR呢個身份見識咗好多，特別係紐約，因為呢個地方真係好大，更加令我哋覺得自己好渺小，所以呢個係好好嘅第一步，令我哋更加有動力繼續前進。」而Edan亦說：「因為喺一個唔係自己熟悉嘅地方，然後要表演，仲要接受英文訪問，大家都好緊張呢次表演同訪談，但我覺得大家都好盡力做到最好。好開心有咁嘅機會，希望未來有更加多咁嘅機會。」