大部分網民都認為樓主妻子的行為太過火。
不少人都喜歡將日常生活分享在社交媒體上，不過有時就會不慎公開了別人的私隱！近日有網民指，其妻子「打卡」成癮，竟誤錄他在家裡大講公司是非，並上載至網上，遭他一名「是非精」同事發現及告狀，令他非常生氣，揚言想因此與妻子離婚！
Getty圖片
有港男在網上討論區「香港討論區」，以「我老婆好鍾意咩都PO IG，我想同佢離婚！」為題發文，指自己的妻子一直都喜歡在社交媒體Instagram發限時動態，其中包括家中大小事，她解釋指「（限時動態）24小時就冇，大家睇過就會唔記得，冇乜嘢所謂」。
Getty圖片
不過，日前有朋友到家中作客，樓主言語間透露了對公司的不滿及是非，怎料卻被妻子錄製影片並上載至限時動態，其後更被樓主的同事發現及向他們的上司告密，「有個是非精同事有佢IG，佢睇到之後錄低晒畀番個上司聽番」。樓主表示，事後遭到同事恥笑，他又形容上司為人「小器」，擔心自己的工作不保，又直言「我諗我要準備辭職啦！我真係好想同我老婆離婚！」
Getty圖片
事件引起網民熱議，大部分網民都認為樓主妻子的行為太過火，「警告佢一次先啦！再有下次就唔客氣！」、「呢啲老婆娶左都喊三聲」、「唔好講話IG, fb都係，都唔明有啲人，你影張美食相片唔緊要，但又tag埋同邊個一齊，唔係個個都想暴露行蹤架嘛」、「好憎啲人刷存在感，痾篤屎都要出個post咁，見到都煩，以為自己好多人關注！」
「香港討論區」原文
Getty圖片
街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。
(FB圖片）
連鎖快餐店內疑有人開班教畫畫
該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。
圖片來源：大快活官網
年青人點餐消費，用餐後繼畫畫
樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。
示意圖。設計圖片
網民批評無公德心
帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。
（FB截圖）
網民估計另有原因
亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」
帖文來源：Facebook群組「啟德居民自由講」
