真係奇人奇聞~
人在職場上總是充滿奇趣的八卦趣聞，有網民在社交網分享公司有同事被解僱後，半個月後再次出現公司，並自稱早前撞車造成局部性失憶，完全無印象已經離職，所以再返公司開工，更承諾將來一定聽聽話話，俾心機做好呢份工。
Getty圖片
網民在《辦公室日報》專頁分享，指公司貨倉部門有個同事「阿偉」，因為做事無交帶，整天遲到曠工，令到上司忍無可忍將他解僱。被炒之後有個早上突然見阿偉在公司出現，起初該網民不知發生什麼事，以為只是回來拿支票。
貨倉同事稱失憶繼續番工。資料圖片
原來阿偉自稱早前撞車造成局部性失憶，完全無印象已經離職，所以才回公司開工，當知道真相後即刻求上司可給予多次機會，更稱無印象以前經常遲到，承諾將來一定聽聽話話，俾心機做好呢份工。最後上司因為暫時未請到人，就留他繼續工作，他亦承諾會帶醫生紙回來，但到了第二日阿偉再次「消失風雨中」。
Getty圖片
網民搞笑問其他同事，「咁究竟阿偉而家係真失憶，復工後第二日唔記得又要返，定係恢復咗記憶，記得自己已經唔使返工呢？今日冇返工係失憶定有返記憶呀？」
其後網民指在阿偉消失一星期後，有「大耳窿」打電話追數，過幾天更有幾位惡形惡相的大漢到公司找他。謎底亦終於解開，原來阿偉上星期去三四線財務公司借錢，但阿偉第一期已經冇還，所以搞要打電話甚至上門追數。至於當日他自稱失憶返工，原因是因為財務公司要打電話確認他的工作證明，所以特意「扮失憶」返工，親自接電話確認。在拿到錢後，又一早無打算還，所以第二日就無再返來！網民更稱事隔半年，已經無人再找到阿偉。
Getty圖片
網民都留言紛紛表示驚嘆，「真係奇人奇聞！我真係一世都估唔到會有啲咁嘅人！」，「真實果真比小說更離奇！」，還有網民表示，「其實佢要唔要去考慮下做演員或者編劇，唔好嘥咗佢呀嘛咁有天份！」
資料來源：辦公室日報
鰂魚涌一名婆婆的住所猶如「垃圾屋」，她每晚只能睡在垃圾堆上，有團隊招募義工幫婆婆打掃，網民見地址即卻步。
（Getty示意圖片）
恐怖「垃圾屋」雜物堆到上天花板
該團隊於Facebook 群組「家居維修交流平台」發文，指一名居於鰂魚涌70多歲的婆婆，長年囤積雜物，令其住所垃圾堆積如山，雜物甚至堆至接近天花板的高度。
(FB圖片）
與同住兒子關係破裂 家中漏水影響鄰居生活
從照片所見，婆婆家中充滿雜物包括各種衣物、電器、廁紙、膠袋等。雜物佔據全屋，寸步難移的她每晚只能睡在垃圾堆上。極惡劣的居住環亦影響了婆婆與同住兒子的關係「阿仔已經頂唔順佢阿媽嘅囤積，所以已經關係惡劣」。垃圾亦遮擋了漏水位置，令漏水問題日益嚴重，甚至影響鄰居的生活「加上屋內漏水而冇法處理⋯嚴重影響鄰居生活」。
團隊招募義工幫忙清潔
為了協助婆婆解決問題，團隊應食物環境衛生署的請求，希望能夠招募15名男女義工，前往婆婆位於鰂魚涌南豐新村的居所，幫助清理囤積已久的垃圾，而食環署亦會派員協助清理工作。
示意圖片
網民：住私樓，自己出錢比人攪！
帖文引熱議，有網民認為婆婆的居所南豐新村為私樓，理應有能力自費請人清潔，不應依賴義工的幫助「住得南豐新村，佢自己出錢比人攪la」、「住南豐新邨，唔係公共屋邨」、「住南豐經濟唔會差，點解唔比錢清」、「住得南豐新村，會唔會考慮用日薪搵人幫手清理？」、「南豐新村私人樓，佢又有個仔，除非你話我知佢個仔又聾又啞又跛，唔係搵乜義工幫手，你好得閒？」
樓主則回應表示「住私人樓宇唔代表係有錢人，更加唔代表佢係一個正常人，正常人就唔會瞓喺啲垃圾上」。
（資料圖片）(圖片來源:星島日報)
網民：治標不治本
有網民則認為治標不治本「社會病態，幫得一次，無幾耐又來一次，這不是解決方法？」、「通常過一排會回復原狀，個阿婆性格會改？沒有喇！」、「老人家已經習慣咗咁嘅生活，義工服務要有長期搞清潔的準備」、「香港地大把呢啲人，幫得幾多個？幫完又病發，佢又執返！呢啲見得多啦！」
帖文來源：Facebook 群組「家居維修交流平台」
