最近Edan有大熱新歌，做綜藝節目又受歡迎，遲下仲有份主演劇集。
Stanley與Edan合照，Edan個樣好有潛力圖Feel。
今年1月，呂爵安（Edan）推出廣東歌《E先生 連環不幸事件》，成為MIRROR第6位出Solo的成員，單飛反應非常熱烈。唱歌受歡迎，做綜藝又多人睇，同隊友盧瀚霆（Anson Lo）及邱士縉（Stanley）合作拍Hehe劇港版《大叔的愛》又被期待，ViuTV一哥唔係佢係邊個?
Stanley為Edan宣傳新歌《E先生 連環不幸事件》。
一向冇偶像包袱的Edan，鏡頭前後都好鬼搞笑，今日隊友Stanley在IG分享一張與Edan的合照，只見Edan在背後伸出半個頭，指着Stanley，露出鬼馬笑容，睜大眼露齒笑的Edan看起來黑眼圈嚴重，配合他的鬼祟表情，搞笑得嚟又有啲靈異，絕對有做潛力圖嘅潛質。Stanley留言：「嗨#E先生 ! 有什麼幫到你嗎？#e先生連環不幸事件」Edan則留言大讚自己很可愛，逗得一眾粉絲非常開心。
Edan黑眼圈都幾深。
呂爵安（Edan）今年1月27日發布個人單曲《E先生 連環不幸事件》，大受歡迎。
前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。
陳卓賢（Ian）推出新歌《Thank You Postman》。
《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」
相關影片可以按以下畫面觀看：
VIDEO
影片連結：
Ian到英國巡唱趁機拍攝新歌MV。
歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。
因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。
Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。
由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」
難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」
情歌系列作品第二章。
今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！
Ian欲寫信回饋粉絲愛意。
