解凍首現身懶理黎振燁景況 朱智賢：淨係注意力放自己度

經一事長一智。

朱智賢被雪藏將近一年，今日為劇集將於下周一晚8時30分首播的《愛美麗狂想曲》宣傳首度現身，她坦言能出席宣傳感恩又感動，經一事長一智，現已認清方向往後專心工作。

始終雪藏近一年，朱智賢自信心似未回復十足。

朱智賢自去年5月被踢爆跟人夫黎振燁車廂食蛋糕後，隨即冠上「偷食人夫」之名，投閒置散。她有備而來面對傳媒訪問，表現淡定。問到是否正式解封？她說：「首先多謝公司畀我有份參與嘅劇集做宣傳，都係等公司安排，相信公司嘅安排都係最好。」她透露仍然未有新工作安排，但她已準備好任何類型工作。問到這段時間有甚麼得著？她說：「呢段時間話長唔長，話短唔短，我覺得係經一事長一智，認清自己嚟緊嘅目標，會重新出發，更加專注事業，做一個專業嘅演員。」談到期間男友謝東閔是否全力支持？她說：「我哋一向都互相支持，互相扶持。」

朱智賢一再強調要專注事業。

提到《愛》劇黎振燁亦有參演，可怕惹來網民再次評擊？朱智賢指這是輕喜劇，相信觀眾會看到演員們的努力。問到可有覺得很幸運，因黎振燁仍未解封？她說：「我淨係會將注意力放喺自己度，因為我發覺事業係最緊要，其他嘢我唔會去干預。」

朱智賢與曹永廉。

提到她有前科跟網民網上開火，她說：「大家都從錯誤中學習啦，我會畀心機做好我要做嘅嘢。」問到可有想過退出？她說：「我覺得要隨心，好多嘢勉強唔到，同自己講要做好自己就得。」問到可有跟黎振燁聯絡？她說：「過去嘅嘢唔答，況且今日係劇集宣傳。」

朱智賢有備來淡定回答有關黎振燁的問題。

網民嗌朱智賢重做！

現年37歲的港姐朱智賢（Ashley）在去年約滿離開TVB後以自由身工作，她除了為HOY TV拍攝節目外，亦十分積極經營個人社交平台做KOL。

朱智賢奇特方式晒多套內衣。

似阿嫲又似任何人！

朱智賢昨日（19日）在IG貼新片，留言說：「客戶送多幾套新的內衣，怎樣也要po一下吧？」片中朱智賢先着上肉色貼身打底衫褲，再將不同款式內衣外穿逐套展示畀網民睇，引起網民一致劣評：「啊嫲🤣」、「超人咩，着喺面？」、「你咪就係內衣任何人」，而好友楊潮凱就留言話Fail，另外鄧伊婷亦留言叫朱智賢重做呀！

網民唔收貨嗌重做。

引起網民一致劣評。