首度主持ViuTv節目《是滴是友》 廖碧兒夠闊綽開靚酒慶功

廖碧兒連主持節目都一樣掂。

首度合作主持《是滴是友》的廖碧兒和林曉峰，同樣認為揀對象要搵酒友較好。

廖碧兒（Bernice）和林曉峰（阿Lo）最近首度主持ViuTV《是滴是友》，一齊講飲講食，雖然之前未有正式合作，但一見如故。阿Lo大讚有品酒師資格的Bernice將酒與地道美食配搭有驚喜，亦經常攞靚酒出來任飲，而Bernice認為同朋友歎酒最開心。講到兩人都單身，他們都認同揀對象如果是酒友會更好，因酒已是生活一部份。

阿Lo坦言拍攝初期以為跟Bernice合作好耐，但原來只一齊開過兩次Live，「做嘢見好多女artist好少見好似Bernice咁樣感覺，同佢可以傾到偈，有啲真係傾唔到偈，佢感覺好friendly。」原來早前兩人開Live也跟酒有關，Bernice說：「疫情開始後，我開始做啲飲食Live，幫吓啲朋友同埋酒商，仲有啲餐廳，啱啱有朋友話佢（Lo）得閒，佢又鍾意飲同食，佢就嚟幫手拍。」

節目中，Bernice介紹的不一定是貴酒，她解釋，「有時真係唔使好貴嘅酒仲啱，因為貴嗰啲好複雜太多層次，中餐好多香料好多汁。」而每次配搭阿Lo都大讚有驚喜，「有啲嘢食係唔會襯酒，譬如臭豆腐我真係冇諗過襯白酒。」他更笑言最欣賞Bernice夠闊綽，「最重要係開佢嗰啲紅酒白酒同埋香檳嘛！我哋做完慶功嗰啲酒呀，我哋都唔知幾開心！」Bernice覺得同朋友分享不會計較，「我好鍾意睇佢哋反應，鍾意唔鍾意唔緊要，我鍾意同人分享，我自己收埋咁多酒冇用。」

Bernice節目中邀請多位沒公開的好友，譬如阮小儀等接受訪問

Bernice和阿Lo拍住肥仔和193主持，他們都讚兩人幫得手。

Bernice與富二代盧啟賢（Calvin）兩年前分手後，早前有傳復合最終兩人否認其事；而阿Lo去年跟康子妮承認離婚。兩位愛酒之人現在都單身，問到他們揀對象是否首先要鍾意酒，Bernice說：「又唔係，但要識喺酒世界入面溝通，因為酒唔單止係酒，有旅行好多方面，仲包括lifestyle。」而阿Lo亦肯定話：「梗係啦！但大家坐埋一齊，唔一定要飲酒，有養狗識煮嘢食，其中一樣係咁樣係會多咗話題，我諗係信任好緊要，做朋友好搵對象都好，信任好緊要。」

去年7月Bernice邀請阿Lo一齊開Live，兩人才初次認識。

早前施家殷分享聚會照片，被指間接踢爆Bernice 與Calvin訂婚。

阿Lo雖然跟康子妮已離婚，但早前一同為細仔慶生。

廖碧兒不介意作為藝人而突然加入跳街舞，做事隨心開心就好，不用太多包袱，特別跳舞是令她減壓的好方法。

一向熱愛跳舞，三歲未企穩已跳得的廖碧兒（Bernice），日前「舞」癮大發，路過中環街市駐足睇法國現代舞蹈團KHAM表演《Intrusion Chorégraphique》，即興加入一起跳舞，在場不少市民見到有這位星級特別嘉賓，都拍手為她打氣，更有小粉絲支持，場面非常熱鬧。

廖碧兒路過香港地標中環街市也被吸引打卡。

支持在中環街市舉行的《法國五月．盡在華懋集團》活動。

與法國好有淵源的廖碧兒，日前已應邀出席在中環街市舉行的《法國五月．盡在華懋集團》揭幕禮，所以她甚欣賞專程來港的法國現代舞蹈團KHAM表演《Intrusion Chorégraphique》，想不到前日工作後又路過中環街市，再看到他們在表演，所以就即興加入一齊跳，她笑言：「好彩寶刀未老仲跳得！我三歲未識行已鍾意跳舞，上次嚟開幕活動，見到佢哋跳得好開心，大人同小朋友都跟著音樂跳舞，所以今次我就即興加入，其實我都識少少， 呢種KHAM舞係Modern Dance，冇對與錯嘅，只要你覺得感覺舒服就跟著音樂跳，我比音樂吸引咗，好自然，一邊跳又一邊笑好 開心！」

廖碧兒日前應邀出席在中環街市舉行的《法國五月．盡在華懋集團》揭幕禮。

路過中環街市駐足睇法國現代舞蹈團KHAM表演。

法國舞蹈員精彩表演令Bernice睇得好開心。

廖碧兒不介意作為藝人而突然加入跳街舞，她說：「依家做事隨心開心就好，不用太多包袱，尤其跳舞係令我減壓嘅好方法。以我了解今次法國五月美食市集活動會響六月移師到如心廣場，其中跳舞呢部份五月尾會與香港的學生交流，會教他們一些舞步，更會有合作表演，我覺得這是一個很好的交流機會，因為很難得世界各地的舞蹈家與香港學生一起表演。好鍾意法國五月活動可以延續，應該可以吸引更多遊客。」

「舞」癮大發即興在中環街市跳舞。

廖碧兒習舞多年，隨時表演都舞得出色。

與法國現代舞蹈團一起臨時演出一場精彩舞蹈。

與小粉絲一齊坐中環街市樓梯睇表演。

廖碧兒下周又到法國出席當地一個釀酒盛宴，並且她會身在波爾多迎接奧運聖火傳遞，親身見證這個儀式。既與法國有緣，會否也考慮找一位法國情人？她笑言：「其實我知道自己應該學好D法文，至容易啲溝通，因為我同法國有咁多關係，我會努力！下個禮拜飛過去法國，學好D法文啦！ 」她指法國男士給她印象好有文化，大部份都會飲酒，因為我自己都鍾意學品酒，呢一點我都好欣賞，而法國菜好簡單好好食，令我想起婆婆、公公，因為從小到大食他們煮的法式味道，所以我好鍾意食法國菜。（係咪有法國男士煮俾你食就最開心？）不只是法國男士，有中國的男士識煮法國菜都可以OK呀！」

與法國現代舞蹈團KHAM大合照