黃劍文要演視障人士,陳明憙則要由細演到大。
黃劍文和陳明憙出席《攜手瞳行慈善音樂劇場》記者會,黃劍文首次演出音樂劇,劇中飾演Gray自小患視網膜色素病變,因眼疾問題而向家人發脾氣,更曾有輕生的念頭,但重新振作後變成一位長跑視障教練。
黃劍文和陳明憙演視障人士。
黃劍文曾參與體驗失明感覺的活動,當進入展覽時看不見東西很驚。他說:「都心酸!體驗後覺得眼睛好重要,有雙眼,自己經已擁有好多嘢,其他都唔重要。」問到可要演發脾氣戲份?他笑說:「我都可以斯文發脾氣嘅!」
黃劍文和陳明憙齊演音樂劇,劇中陳明憙要由細演到大,仲扮返小學生,不過由細到大她都咁靚啫。
因為失明,黃劍文要發脾氣。
陳明憙表示第二次挑戰演出音樂劇,劇中飾演因天生白內障及黃斑病變形成視障人士美玲。她亦跟真人美玲傾談過,發現對方曾被欺負。她說:「我要由細演到大,我唔知依家年紀點樣演返小學生。」
陳明憙第二次挑戰演出音樂劇。
黃劍文好感動!
《中年好聲音2》比賽後,黃劍文歌迷人數培增,並承諾得獎後會同歌迷搞場BBQ聚會。日前劍文終於找數,同過百歌迷歡度一個歡樂嘅晚上。一向歌迷聚會都係以歌會友,劍文話首次同歌迷一齊BBQ感覺好興奮,好戥佢哋熱,歌迷仲好 sweet話幾熱都要陪你,令劍文份外感動。
黃劍文找數跟歌迷BBQ。
劍文話首次同歌迷一齊BBQ感覺好興奮!
現場仲有歌迷們悉心佈置打卡位。劍文到達現場後,過百歌迷夾道歡呼,當劍文行到去露台的時候,一班歌迷們好有心思,預先準備大合唱《凡星2》送畀他,這首歌對劍文份外有意義,因為是他比賽時候進入三強的必殺歌,聽到呢首歌嘅時候劍文都有眼濕濕。
歌迷好sweet話「幾熱都要陪你」,令劍文份外感動!
劍文到達現場後,過百歌迷更大合唱《凡星》送畀他。
搞到劍文眼濕濕!
歌迷改咗會名叫「Kimchi Family」。
原先安排在露台燒嘢食及同歌迷唱歌,雖然天公不造美,活動移師室內進行,劍文話反而更親密,所有歌迷圍住自己唱歌,感覺好多愛包圍著自己,仲見到佢哋臉上嗰個係笑得好開心,所有人好似回復小朋友一樣。因為今次的聚會,歌迷們改咗會名叫「Kimchi Family」,劍文好感動,話我終於有個大家庭!