士多門口打機𨋢口踢波 張繼聰回憶美好童年

張繼聰今日返去童年成長地愛民村。

張繼聰坐唔定，一得閒就會揸電單車享受男人的浪漫，一係帶仔女去郊遊呼吸吓新鮮空氣，而今日（1日）佢就舊地重遊，返去童年成長地愛民村。

網上圖片

網上圖片

阿聰話：「細個住過，亦因為有親戚住喺度，所以依度有好多美好嘅童年回憶，次次去飲茶，一定會去商場個間old school 兒童樂園，去街市啲士多門口，同表哥打街霸2，喺天井玩捉，𨋢口踢波，後樓梯傾偈，諗諗吓咁就幾十年，80s愛民邨之友，快啲蒲頭傾吓啦」。

呢個Po成功召喚一眾村民現身，有舊街坊現身講舊史，阿聰好開心，不斷回覆網友。如有網友話記得有間賣CD鋪頭，入到去一定買周慧敏cd，阿聰興奮回覆：「我好記得，我喺嗰度買火熱動感誇啦啦。」

網上圖片

兩大型男鬥身形

張繼聰曾與黃宗澤合作過劇集《幕後玩家》以及《紮職2》，早前兩人在健身房意外相遇，兩大型男鬥身形，張繼聰超有「機心」靠茅招搶Fo！

張繼聰經常騷肌

肌肉幾勁！

Bosco都好Fit

張繼聰在社交平台分享與黃宗澤及教練的合照，並留言：「紮職2之舉鐵」，之後他又貼出同一張照片：「諗諗吓好似第一次喺健身室撞到，真係要影返張相留念。我認我機心好重，第一張相，擺啱pose , 隻手老年咁大」。相片中的他故意彎曲手臂谷起二頭肌，手瓜起腱相當誇張，將舉機拍攝的黃宗澤比下去。

兩大型男首次健身房相遇！

張繼聰自認有機心！