唔介意keep住合作 劉俊謙想同蔡思韵演母子

劉俊謙期待跟女友蔡思韵合作劇集《二月廿九》續集。

劉俊謙在疫情下雖然戲劇工作減少，但仍得到客顧支持，廣告和宣傳短片拍不停，他認為可能較有新鮮感，演出又冇乜框框，而得到客顧支持。對於將跟女友蔡思韵合作劇集《二月廿九》續集，他坦言好期待，更加唔介意keep住跟女友合作，更直言兩人可挑戰母子角色；而他對角色接受能力很高，不排除有裸露演出，但首先要視乎劇本。

劉俊謙跟蔡思韵因合作電影《幻愛》而撻着。

劉俊謙跟女友蔡思韵不時情侶檔接拍廣告。

對於獲廣告客戶垂青，劉俊謙認為勝在夠多元化，「之前我喺舞台劇做咗一段時間，但我喺影視圈相對係新，好多客戶同觀眾對我都唔係咁熟識，新鮮感固然提供到，同埋我相對上包袱比較細，冇要keep某種形象，會因應好多唔同客戶同導演需要，我可以放低好多形象去配合佢哋嘅形象，呢個不嬲都係自己好想做到多元化嘅演員。」

去年劉俊謙憑《幻愛》先後獲得「電影評論學會—最佳男演員」及「導演會—最佳新演員」。

南韓殿堂級電影導演李滄東，曾在「第十三屆亞洲電影大獎」奪得「終身成就獎」。

去年劉俊謙得到不少獎項，未來目標他最想有機會挑戰喜劇，以及跟韓國導演李滄東合作，「第一係喜劇，我拍啲影視作品相對上畀觀眾感覺好嚴肅，好沉重嘅角色，好攰㗎！我都想試吓啲喜劇或者輕鬆啲瘋狂啲嘅角色。我本身好鍾意韓國導演李滄東，佢嗰啲戲我全部都想做，我會覺得嗰種係好終極嘅嘗試，因為佢唔係嗰啲大眾好慣睇嘅電影，唔係追看性好強嘅電影，但佢對人嘅質感描繪好強。」

劉俊謙將會接拍ViuTV劇《二月廿九》續集，除吳海昕外還會跟女友合作。

其實劉俊謙身材好好，相信拍裸露戲唔會失禮。

劉俊謙即將在ViuTV劇《二月廿九》續集中再跟女友蔡思韵合作，他坦言不介意繼續跟女友合作，更提議兩人可挑戰敵對或者母子角色，「如果做到但係觀眾覺得好睇係好癲，母子而觀眾信喎！女友有套外國電影《墮落花》好鍾意，佢成日話好想做啲好型格嘅角色，如果佢做啲好似《攻殼機動隊》女主角嗰啲角色，我可以做隔離啲軍佬，操到200幾磅嗰啲。」他又強調不介紹嘗試任何角色或造型，就算演類型《色戒》的裸露戲亦可考慮，「李安係一個好大嘅誘惑嚟，我要點樣決定真係要睇個劇本啦！（經理人：可能導演見到佢身材就算啦！）你身材不好！哈哈！我係睇成件事，就算係個新導演，個劇本好好，而嗰場戲一定要裸露先呈現到，我覺得合理會再同屋企人同經理人傾，我係會故仔行先。」

劉俊謙坦言不排除有裸露演出，但要視乎劇本。

林峯、劉俊謙、胡子彤同張文傑齊齊分享拍攝《九龍城寨之圍城》期間的趣事和感受。

ViuTV節目《周六食花生》逢星期六晚上8時30分播放。節目由陳俞希（Hailey）、李禹燊（Oscar）和黃汛一（Jake）擔任主持，每週請來不同嘉賓介紹新作及暢談近況。同場亦會請來幾位敢言、有特色的「花生友」一起探討與嘉賓相關的生活話題。明晚（4月27日）播出的一集，邀請到《九龍城寨之圍城》的團隊，包括林峯、劉俊謙、胡子彤同張文傑擔任嘉賓，分享拍攝期間的趣事和感受。

今集嘉賓邀得《九龍城寨之圍城》演員作分享。

今次戲中有大量打鬥場面，林峯自爆受傷驚險事：「有個動作係要S字形走位，之後去檢查嗰陣先發現原來十字韌帶斷咗一半。仲有次試戲嗰陣，係二樓同武師對打。個情景就係佢要向我進攻，我就要向後退。點知，我就唔小心差錯腳，就由二樓跌咗落一樓。好彩下面有一堆道具墊住，就無點受到傷。最唔抵係當時未roll機，無拍到。」而劉俊謙就分享指拍攝期間，就不小心被電單車死氣喉燙傷小腿；而胡子彤則意外被踢傷下巴，需縫14針。

劉俊謙

劉俊謙拍攝期間不小心被電單車死氣喉燙傷。

胡子彤分享意外被踢傷下巴的經歷。

談及對彼此的印象，劉俊謙笑言小時候是看《尋秦記》長大，所以林峯是陪自己成長的一個大哥哥，並指其十分溫柔和細心：「佢知道我非常喜歡金莎。有日拍到好攰，佢就遞咗盒金莎送俾我。個刻真係覺得，個盒金莎係我嘅所有。」被問及下次4位兄弟合作會想拍甚麼題材，林峯笑言想拍一齊拍BL四角戀，令在場所有人都哭笑不得。

林峯盼開BL戲大玩四角戀。

林峯盼開BL戲大玩四角戀。

林峯獲劉俊謙讚溫柔細心。